உள்ளே பதவியேற்பு; வெளியே போராட்டங்கள்!

கர்நாடக முதல்வராக இன்று காலை எடியூரப்பா பதவி ஏற்ற நிலையில், இதனைக் கண்டித்து காங்கிரஸ், மஜத கட்சியினர் தீவிரமான போராட்டங்களில் ஈடுபட்டு வருகின்றனர்.

கர்நாடகாவில் ஆட்சியமைக்க யாருக்கும் பெரும்பான்மை கிடைக்காத நிலையில், 104 எம்.எல்.ஏ.க்களைக் கொண்ட பாஜக சட்டமன்றக் கட்சித் தலைவர் எடியூரப்பா நேற்று காலை ஆளுநரை சந்தித்து ஆட்சியமைக்க உரிமை கோரினார். மாலையில் மஜத தலைவர் குமாரசாமி காங்கிரஸ், மஜதவின் 117 எம்.எல்.ஏ.க்கள் கையெழுத்திட்ட ஆதரவுக் கடிதத்துடன் ஆளுநரைச் சந்தித்து ஆட்சியமைக்க உரிமை கோரினார். ஆனால் நேற்றிரவு எடியூரப்பாவை ஆட்சியமைக்க அழைப்பு விடுத்தார் ஆளுநர் வஜுபாய் வாலா.

இதனை எதிர்த்து உச்ச நீதிமன்றத்தில் காங்கிரஸ்-மஜத தொடர்ந்த வழக்கு அவசர வழக்காக நேற்றிரவே விசாரணைக்கு எடுத்துக்கொள்ளப்பட்டது. ஆனால் எடியூரப்பாவின் பதவியேற்புக்குத் தடை விதிக்க நீதிமன்றம் மறுத்துவிட்டது.

பதவியேற்றார் எடியூரப்பா

பரபரப்பான சூழ்நிலையில் ஆளுநர் மாளிகையில் இன்று (மே 17) நடைபெற்ற நிகழ்ச்சியில் கர்நாடக முதல்வராக எடியூரப்பா பதவியேற்றார் . அவருக்கு ஆளுநர் வஜுபாய் வாலா பதவிப் பிரமாணமும் ரகசியக் காப்புப் பிரமாணமும் செய்துவைத்தார். இதனைத் தொடர்ந்து எடியூரப்பா முதல் கையெழுத்தாக ரூ.56 ஆயிரம் கோடி அளவுக்கு விவசாயக் கடன்களைத் தள்ளுபடி செய்யும் கோப்பில் கையெழுத்திட்டார். இதன் மூலம் ரூ.1 லட்சம் வரை விவசாய கடன் பெற்றவர்களின் கடன் தள்ளுபடி செய்யப்படும். விழாவில் அமைச்சர்களாக யாரும் பதவி ஏற்கவில்லை. பிரதமர் மோடி, பாஜக தேசியத் தலைவர் அமித் ஷா உள்ளிட்ட தலைவர்களும் கலந்துகொள்ளவில்லை.சரியாக காலை 9-9.05மணிக்குள் பதவியேற்பு நிகழ்வு முடிந்துவிட்டது.

இதனைத் தொடர்ந்து பலத்த பாதுகாப்புடன் தலைமைச் செயலகத்திற்கு வந்த எடியூரப்பா தனது பணிகளைத் தொடங்கினார். 

பின்னர் செய்தியாளர்களைச் சந்தித்த அவர், "அரசியல் சட்டத்துக்கு உட்பட்டு நான் முதல்வராகப் பதவியேற்றுள்ளேன். நான் முதல்வர் ஆவதற்குத்தான் கர்நாடக மக்கள் வாக்களித்துள்ளனர். தேர்தலில் எனக்கு வாக்களித்த மக்களுக்கு நன்றி. தேர்தலில் அளித்த வாக்குறுதியின்படி விவசாயக் கடன்களைத் தள்ளுபடி செய்துள்ளேன். விரைவில் விவசாயக் கடன் ரத்துக்கான ஆணை வெளியிடப்படும்" என்று குறிப்பிட்டார். "அதிகாரத்தைக் கைப்பற்ற காங்கிரஸ், மஜத கட்சிகள் நாடகமாடுகின்றன. நான் 5 ஆண்டுகள் முழுமையாக ஆட்சி செய்வேன்" என்றும் நம்பிக்கை தெரிவித்தார். நம்பிக்கை வாக்கெடுப்பு குறித்த கேள்விக்கு, நாளை அல்லது நாளை மறுநாள் வரை பொறுத்திருங்கள் என்று பதில் தெரிவித்தார்.

எடியூரப்பா தற்போது மூன்றாவது முறையாகக் கர்நாடக முதல்வராக பொறுப்பேற்றுள்ளார். கடந்த 2007ஆம் ஆண்டு சில நாட்கள் முதல்வராக இருந்த அவர், 2008ஆம் ஆண்டு தேர்தலில் வெற்றி பெற்று இரண்டாவது முறையாக முதல்வராகப் பதவியேற்றார் என்பது குறிப்பிடத்தக்கது.

தொடரும் போராட்டங்கள்

எடியூரப்பா பதவியேற்ற நிலையில், ஈகிள்டன் விடுதியில் தங்கவைக்கப்பட்டிருந்த காங்கிரஸ், மஜத எம்.எல்.ஏ.க்கள் கர்நாடக சட்டப்பேரவை அமைந்துள்ள விதான் சவுதானுக்கு வருகை தனது அங்குள்ள காந்தி சிலை அருகே தர்ணா போராட்டத்தில் ஈடுபட்டனர். சரியாக 10.30 மணியளவில் அங்கு வந்த காங்கிரஸ் மூத்த தலைவர் குலாம்நபி ஆசாத், சித்தராமையா, மல்லிகார்ஜுன கார்கே, அசோக் கெலாட், முன்னாள் பிரதமர் தேவ கவுடா, குமாரசாமி ஆகியோரும் தர்ணாவில் ஈடுபட்டுவருகின்றனர்.

செய்தியாளர்களைச் சந்தித்த சித்தராமையா, "பதவியேற்புக்குத் தடை கேட்ட வழக்கு உச்ச நீதிமன்றத்தில் நிலுவையில் உள்ளது. இதனை நாங்கள் மக்கள் மன்றத்துக்குக் கொண்டுசெல்வோம். பாஜக எவ்வாறு அரசியல் சாசனத்துக்கு எதிராகச் செயல்படுகிறது என்பதை மக்களிடம் எடுத்துச் சொல்வோம்" என்று கூறியுள்ளார்.

காங்கிரஸ் எம்.பி டி.கே. சுரேஷ் கூறுகையில், "ஆனந்த் சிங்கைத் தவிர அனைத்து எம்.எல்.ஏ.க்களும் எங்களுடன்தான் உள்ளனர். ஆனந்த் சிங் தற்போது மோடியின் பிடியில் உள்ளார்" என்று குற்றம் சாட்டினார்.

சட்டப்பேரவை வளாகத்தில் காங்கிரஸ், மஜத எம்.எல்.ஏக்களின் தர்ணா போராட்டம் 12.15 அளவில் நிறைவடைந்தது. போராட்டத்தில் ஈடுபட்டிருந்த எம்.எல்.ஏக்கள் கலைந்து பேருந்துகள், கார்களில் ஈகிள்டன் விடுதியை நோக்கிப் புறப்பட்டனர்.

எடியூரப்பா பதவியேற்பைக் கண்டித்து பெங்களூரு தொடங்கி கர்நாடகம் முழுவதும் காங்கிரஸ், மஜதவினர் போராட்டங்களில் ஈடுபட்டுவருகின்றனர். இதனால் மாநிலம் முழுவதும் காவல் துறை பாதுகாப்பைப் பலப்படுத்தியுள்ளது. நீதி கிடைக்காவிட்டால் தொடர் போராட்டங்கள் நடத்தப்படும் என்று இரு கட்சிகளும் அறிவித்துள்ளன.

ராகுல்- அமித் ஷா மோதல்! அரசியல் சாசனத்தை பாஜக ஏளனம் செய்கிறது என்று காங்கிரஸ் தலைவர் ராகுல் காந்தி இன்று (மே 17) வைத்த குற்றச்சாட்டுக்கு, ‘ஜனநாயகத்தைக் கொலை செய்த கட்சி காங்கிரஸ்’ என்று பாஜக

அரசியல் சாசனத்தை பாஜக ஏளனம் செய்கிறது என்று காங்கிரஸ் தலைவர் ராகுல் காந்தி இன்று (மே 17) வைத்த குற்றச்சாட்டுக்கு, ‘ஜனநாயகத்தைக் கொலை செய்த கட்சி காங்கிரஸ்’ என்று பாஜக தலைவர் அமித் ஷா பதில் அளித்துள்ளார்.

இன்று காலை அவசர அவசரமாக பிரதமர் மோடி, பாஜக தலைவர் அமித் ஷா ஆகியோர் கூட வராமல் பெங்களூருவில் உள்ள விதான் சௌதாவில் கர்நாடக முதல்வராக எடியூரப்பா பதவியேற்றுக் கொண்டார்.

தனிப் பெரும் கட்சியாக இருந்தாலும் பெரும்பான்மை இல்லாத நிலையில் பாஜகவை ஆட்சி அமைக்க ஆளுநர் அழைக்க, அதற்கு எதிராக உச்ச நீதிமன்றத்தில் வழக்குத் தொடுக்கப்பட்டது. அவ்வழக்கில் எடியூரப்பா முதல்வராக பதவி ஏற்க தடை விதிக்க உச்ச நீதிமன்றம் மறுத்துவிட்டது. இந்நிலையில்தான் இன்று காலை முதல்வராக பதவியேற்றுக் கொண்டார் எடியூரப்பா.

இதுபற்றி காங்கிரஸ் கட்சித் தலைவரும் பாஜக தலைவர் அமித் ஷாவும் ட்விட்டரில் பரஸ்பரம் கடுமையாக மோதிக் கொண்டிருக்கிறார்கள்.

இதுபற்றி இன்று காலை ட்விட்டரில் கருத்து வெளியிட்ட ராகுல் காந்தி, ‘’கர்நாடகாவில் பெரும்பான்மை இல்லாத நிலையிலும் ஆட்சி அமைக்கிற பாஜகவின் செயல்பாடு என்பது முரட்டுத் தனமான நடவடிக்கை. இது அரசியல் சாசனத்தைப் பரிகாசம் செய்யும் செயல்’’ என்று கடுமையாகச் சாடியிருந்தார்.

மேலும், ‘’இன்று பாஜக தனது வெற்று வெற்றியைக் கொண்டாடுகிறது. இந்தியாவோ தன் ஜனநாயகம் தோல்வி அடைந்ததற்காக துக்கம் அனுசரிக்கிறது’’ என்று கூறியிருக்கிறார் ராகுல் காந்தி.

ராகுல்காந்தியின் இந்தத் தாக்குதலுக்கு ட்விட்டரிலேயே பதில் கொடுத்திருக்கிறார் பாஜக தலைவர் அமித் ஷா.

“கர்நாடக தேர்தல் முடிவுகளுக்குப் பின் எந்த நிமிடத்தில் காங்கிரஸும் மதச்சார்பற்ற ஜனதா தளமும் சந்தர்ப்ப வாதத்துக்காக கை கோர்த்தனவோ, அந்த நிமிடத்தில்தான் ஜனநாயகம் கொல்லப்பட்டது. மேலும் காங்கிரசின் இன்றைய தலைவர் தனது கட்சியின் பெருமை மிகு வரலாறுகளை அறியாதவர் போலும்.

எமர்ஜென்சியைக் கொண்டுவந்தது, பல மாநில ஆட்சிகளை 356 சட்டப் பிரிவு மூலம் கலைத்தது, நீதிமன்றங்களையும் ஊடகங்களையும் சீரழித்தது, பொது சமூகத்தைக் கெடுத்தது என்ற வரலாறு கொண்டது காங்கிரஸ்’’ என்று கூறியிருக்கிறார் அமித் ஷா.

முன்னணி நடிகர்களுடன் ஜோடி சேர்ந்து நடித்துவருவதோடு, கதாநாயகிக்கு முக்கியத்துவம் உள்ள படங்களையும் தேர்வு செய்து நடித்துவருகிறார் நயன்தாரா. அந்த வரிசையில் நெல்சன் திலீப்குமார் இயக்கத்தில் கதையின் நாயகியாக நயன்தாரா நடித்துவரும் படம் ‘கோலமாவு கோகிலா’. பாடலில் புதுமை நிகழ்த்திப் படத்திற்கான எதிர்பார்ப்பை அதிகரிக்கச் செய்துவருகிறார் அனிருத்.

‘எதுவரையோ’ பாடலை விவேக், கௌதம் மேனன் ஆகிய இருவரையும் இணைந்து எழுதவைத்த அனிருத், கல்யாண வயசு என்கிற இந்தப் பாடலை சிவகார்த்திகேயனை எழுதவைத்து பாடலாசிரியராக அறிமுகம் செய்திருக்கிறார். ‘கல்யாண வயசு’ என்ற இந்தப் பாடலின் டீசர் முன்பு வெளியானது.

அதில் யோகி பாபு, “வீட்டுக்குப் போனா யாரையாவது கல்யாணம் பண்ணிக்கச் சொல்ற அப்பா. அத்தைப் பொண்ணைத்தான் கல்யாணம் பண்ணனும்னு சொல்ற அம்மா. பேரக்குழந்தைகளை பார்க்கணும்னு சொல்ற பாட்டி. இந்த டார்ச்சர் எல்லாம் தாங்க முடியாம கடைக்கு வந்தா, என்னையே ஏக்கமாக பார்க்கிற பொண்ணுங்க. ஆனா அவங்க எல்லார்கிட்டயும் ஒரே ஒரு பதில்தான் சொன்னேன். கட்டுனா அந்த பொண்ணைத்தான் கல்யாணம் பண்ணி கைப்பிடிப்பேன்னே. இதுவரைக்கும் அந்தப் பொண்ண யார்கிட்டயும் சொல்லல, முதன் முறையாக உங்ககிட்ட சொல்றேன்” என நயன்தாராவிடம் பேசும் காட்சிகள் இடம்பெற்றிருந்தன. இதன் காரணமாக ஆண்களின் காதல் கைகூடுவதற்கு உதவி செய்யும் விதமாக நயன்தாரா நடித்திருப்பார் என யூகம் எழுந்தது.

இந்த நிலையில் தற்போது வெளியாகியிருக்கும் கல்யாண வயசு வீடியோ பாடலில் யோகி பாபு நயன்தாராவைத்தான் காதலிப்பதாகச் சொல்லி, ஒரு பெண்ணைக் கவர்வதற்கு ஆண் என்னவெல்லாமோ செய்வானோ அதையெல்லாம் நயன்தாராவைக் கவர்வதற்குச் செய்யும் காட்சிகள் இடம்பெற்றிருக்கின்றன.

நயன்தாராவைக் கவர்வதற்கு யோகி பாபு செய்யும் காட்சிகள் நகைச்சுவையாக இருக்கின்றன. சிவகார்த்திகேயன் இந்தப் பாடலுக்கு எளிமையான வார்த்தைகளைப் பயன்படுத்தியிருக்கிறார்.

கல்யாண வயசு வீடியோ பாடல்

இரவு 12.00

இரவு 12 மணிக்கு தலைமை நீதிபதி தீபம் மிஸ்ராவின் வீட்டு வாசலில் போலீஸார் குவிக்கப்பட்டனர். பேரி கார்டுகளால் அவர் வீட்டைச் சுற்றித் தடுப்புகள் அமைக்கப்பட்டன. எனவே இரவே இந்த வழக்கை விசாரிக்க இருக்கிறார் என்பது உறுதியாகி அனைத்து முக்கிய ஊடகங்களும் தீபம் மிஸ்ராவின் வீட்டு வாசலில் குவிந்தன.

இரவு 12.30

உச்ச நீதிமன்றப் பதிவாளர் காங்கிரஸ்- மஜத தலைவர்களின் அவசர மனுவை கையோடு எடுத்துக் கொண்டு உச்ச நீதிமன்றத் தலைமை நீதிபதி தீபக் மிஸ்ராவின் வீட்டுக்கு விரைந்தார். 12.30 மணியளவில் அவர் தலைமை நீதிபதியின் வீட்டை அடைந்தார். கர்நாடக காங்கிரஸ் தலைவர் பரமேஸ்வரன், மதச்சார்பற்ற ஜனதா தள தலைவர் குமாரசாமி ஆகியோர் தாக்கல் செய்த மனுவைதான் அவர் தீபக் மிஸ்ரா வீட்டுக்கு எடுத்து வந்திருந்தார். அரசியல் அமைப்புச் சட்டம் 14-ன்படி ஆளுநர் எடியூரப்பாவை முதல்வர் பதவி ஏற்க அழைத்தது சட்டத்துக்கு முரணான செயல் என்பது உள்ளிட்ட விரிவான மனுவாக அது இருந்தது.

இரவு 1.45- உச்ச நீதிமன்றத்தில் விசாரணை!

தலைமை நீதிபதி தீபக் மிஸ்ராவின் வீட்டில் சுமார் அரைமணி நேரம் நடந்த ஆலோசனைக்குப் பின் இரவு 1.15 மணி வாக்கில் இம்மனுவை ஏற்றதாக அறிவித்தது உச்ச நீதிமன்றம். அதன்படி உச்ச நீதிமன்றத்தில் இரவு 1.45 மணிக்கு இந்த வழக்கு விசாரணைக்கு வரும் என்றும் நீதிபதி ஏ.கே. சிக்ரி, அசோக் பூஷன், காப்டே ஆகிய மூன்று நீதிபதிகள் கொண்ட அமர்வு இந்த வழக்கை விசாரிக்கும் என்று அறிவிக்கப்பட்டது.

உச்ச நீதிமன்றத்தில் குவிந்த வழக்கறிஞர்கள்!

இந்த அறிவிப்பை எடுத்து உச்ச நீதிமன்றத்தில் ஊடகத்தினரும் வழக்கறிஞர்களும் குவிந்தனர். காங்கிரஸ், மஜத சார்பில் மூத்த உச்ச நீதிமன்ற வழக்கறிஞர் அபிஷேக் சிங்வி இரவு ஒன்றரை மணிக்கு உச்ச நீதிமன்றத்துக்கு வந்தார். அரசு சார்பாக முன்னாள் அட்டர்னி ஜெனரல் முகுல் ரோத்தகி, அட்டர்னி ஜெனரல் கே.கே.வேணுகோபால் ஆகியோர் நீதிமன்றத்துக்கு வந்தனர்.

இரவு 2 மணி: விசாரணை தொடங்கியது

இரவு 2 மணி வாக்கில் இந்த மனுவின் மீதான விசாரணை தொடங்கியது. “தேர்தலுக்குப் பின் அமைக்கப்பட்ட கூட்டணியான காங்கிரஸ் - மஜத கட்சிகளின் கூட்டணிக்கு பெரும்பான்மை இருக்கும் நிலையில், பெரும்பான்மை இல்லாத தனிப்பெரும் கட்சியான பாஜகவை ஆட்சி அமைக்க ஆளுநர் அழைத்தது தவறு. ஆளுநரின் அழைப்பை உச்ச நீதிமன்றம் ரத்து செய்ய வேண்டும். தேர்தலுக்குப் பிறகான கூட்டணிகள் ஆட்சி அமைக்க அழைக்கப்பட்டது என்பது கோவா, மணிப்பூர், உபி, ஜார்க்கண்ட், டெல்லி என்று பல மாநிலங்களில் இதற்கு முன் நடந்துள்ளது. மேலும் மெஜாரிட்டியே இல்லாத பாஜகவை ஆட்சி அமைக்க அழைத்து 15 நாட்கள் அவகாசமும் கொடுத்துள்ளதன் மூலம் ஆளுநர் பெரிய தவறு செய்திருக்கிறார்.

சர்க்காரியா கமிஷனின் வழிகாட்டு நெறிமுறைகளின்படி ஆளுநர் செயல்படவில்லை.எனவே ஆளுநர் எடியூரப்பாவுக்கு விடுத்த அழைப்பை ரத்து செய்ய வேண்டும். மேலும் காங்கிரஸ் - மஜத கூட்டணியை ஆட்சி அமைக்க அழைக்குமாறு அவருக்கு அறிவுறுத்த வேண்டும்’’ என்று வாதிட்டார்.

மேலும், ‘’ஆளுநரின் இந்த அழைப்பு மற்றும்15 நாள் அவகாசம் மூலம் குதிரை பேரத்துக்கு வழி தொடங்கிவிட்டது. அது குதிரை வியாபாரம் அல்ல. குதிரை வியாபாரம் என்று சொல்லி குதிரைகளை அவமதிக்க விரும்பவில்லை. இது மனித வியாபாரம். கர்நாடகாவில் ஆளுநரின் உத்தரவால் மனித வியாபாரம் நடக்கிறது. இதைத் தடுக்க வேண்டும்’’ என்றார்.

மத்திய அரசு சார்பில் ஆஜரான மூத்த வழக்கறிஞர் முகுல் ரோத்தகி இதற்கு பதில் அளித்து வாதாடுகையில், “ஆளுநரின் உத்தரவை மாற்றி அமைக்க நீதிமன்றத்துக்கு அதிகாரம் இல்லை’’ என்றார்.

ஆனால் குறுக்கிட்ட அபிஷேக் சிங்வி, ‘’எத்தனையோ வழக்குகளில் ஆளுநர்கள் விதித்த 356 உத்தரவுகளே திருத்தப்பட்டுள்ளன’’ என்று பதில் அளித்தார்.

மேலும், “இரவு 2 மணிக்கு உச்ச நீதிமன்றத்தின் மூன்று நீதிபதிகள் அமர்ந்து இந்த வழக்கை விசாரிப்பதில் இருந்தே இந்த விஷயத்தின் தீவிரத் தன்மை புரிகிறது. இந்த விசாரணை என்பது ஜனநாயகத்துக்குக் கிடைத்த வெற்றி.

இந்த விசாரணை முடியும் வரை பதவியேற்பை தள்ளி வைக்க வேண்டும். பதவியேற்பு நிகழ்வை நாளைக்கு (மே 18)க்கு தள்ளி வைக்க வேண்டும்’’ என்று வாதங்களை வைத்தார்.

நீதிபதிகள் கேள்வி!

மத்திய அரசின் சார்பில் ஆஜரான வழக்கறிஞர்கள் முகுல் ரோத்தகி, கே.கே.வேணுகோபால் ஆகியோரைப் பார்த்து நீதிபதி ஏகே சிக்ரி ‘’குமாரசாமி தனக்கான 117 எம்.எல்.ஏ.க்கள் ஆதரவுப் பட்டியலை ஆளுநரிடம் கொடுத்திருக்கும்போது, எடியூரப்பா பின் எவ்வாறு மெஜாரிட்டியான 112 எம்.எல்.ஏ.க்களின் ஆதரவு இருப்பதாக சொல்ல முடியும்?’’என்று கேட்க, ‘அதை சட்டமன்றத்தில்தான் சொல்ல முடியும்’’ என்று பதிலளித்தது மத்திய அரசுத் தரப்பு.

முகுல் ரோத்தகி வாதங்கள்:

இந்த வழக்கு நள்ளிரவில் விசாரிக்க்கப்பட வேண்டிய வழக்கே அல்ல. உறங்கிக் கொண்டிருந்த என்னை நள்ளிரவில் எழுப்பிக் கொண்டு வந்துவிட்டார்கள். குடியரசுத் தலைவர், ஆளுநர்களின் ஆணைகளை உச்ச நீதிமன்றம் உடனடியாக திருத்தவோ ரத்து செய்யவோ முடியாது. எனவே இந்த வழக்கை இப்போது விசாரணைக்கு எடுத்துக் கொண்டதே தவறு. அரசியல் அமைப்புச் சட்டம் 164-ன்படி ஆளுநர் அதன் அரசியல் சாசன கடமையை செய்வதை யாரும் தடுக்க முடியாது என்றார் ரோத்தகி.

அதிகாலை 4.25 தீர்ப்பு

இரு தரப்பின் வாதங்களைக் கேட்ட நீதிபதிகள், ‘’கர்நாடக ஆளுநர் முதல்வராக பதவியேற்குமாறு எடியூர்ப்பாவுக்கு விடுத்த அழைப்பை ரத்த் செய்ய முடியாது. ஆனாலும் இந்த மனுவை நாங்கள் தள்ளுபடி செய்யவில்லை. பிறகு விசாரிப்போம்’’என்று கூறி வழக்கு விசாரணையை முடித்தனர்.

அதனால் இன்று காலை எடியூரப்பா கர்நாடக முதல்வராக பதவி ஏற்பது உறுதியாகிவிட்டது. இதையடுத்து பெங்களூருவில் பதற்றம் பரவி வருகிறது.

ஊதிய முரண்பாட்டைச் சரி செய்வதற்காக, தமிழகத்தில் உள்ள ஏராளமான கீழ்நிலைக் காவலர்கள் தமிழக அரசு அமைத்துள்ள ஒரு நபர் ஆணையத்துக்கு மனுக்களை அனுப்பியுள்ளனர்.

ஆறாவது ஊதியக் குழு பரிந்துரைகள் அமல்படுத்தப்பட்டபோதே பல்வேறு பணி நிலைகளில் ஊதிய முரண்பாடுகள் இருப்பதாகவும் அவற்றைக் களைய நடவடிக்கை எடுக்க வேண்டும் என்றும் அரசு ஊழியர் சங்கங்கள் கோரிக்கை விடுத்தன.

இதையடுத்து, தமிழக அரசு ஊழியர்களின் ஊதிய முரண்பாட்டைக் களைய அரசு செலவினச் செயலாளர் சித்திக் தலைமையில் ஒரு நபர் ஆணையம் அமைக்கப்பட்டுள்ளது. இந்த ஆணையத்துக்கு ஏராளமான கீழ்நிலைக் காவலர்கள் மின்னஞ்சல் மற்றும் தபால் மூலம் மனுக்களை அனுப்பியுள்ளனர்.

அதில், “1960ஆம் ஆண்டுகளில் ஆசிரியர்களுக்கு இணையாக இருந்த தங்களது ஊதியம் தற்போது மிகவும் குறைந்துள்ளது. அதாவது ஊதியம் வழங்குவது முரண்பட்டுள்ளது. ஞாயிற்றுக்கிழமைகளில் வேலை பார்த்தால் வழங்கப்படும் ஊதியம் ஒருநாள் ஊதியத்தைவிடக் குறைவாக இருக்கிறது. மேலும் மருத்துவச் சலுகைகள், போக்குவரத்துப் படி ஆகியவற்றை உயர்த்த வேண்டும், பண்டிகை நாள்களில் விடுப்பும் தர வேண்டும்” என்று தெரிவிக்கப்பட்டுள்ளது.

சமீப காலமாக, ஊதிய முரண்பாடு,CPS ரத்து போன்ற கோரிக்கைக்காக போராடிய ஆசிரியர்கள், அரசு ஊழியர்கள்  தலைமை செயலக முற்றுகை போராட்டத்தின் போது ஆசிரியர்களை வீடு புகுந்து கைது செய்தும் வாகனங்களை பறித்துக்கொண்டு நடுவழியில் இறக்கிவிட்டதும்,முள்வேலி தடுப்புகள் அமைத்து தீவிரவாதிகள் போல் சித்தரித்து அடக்குமுறையை கையாண்ட காவல்துறை நண்பர்கள் ஆசிரியர்களை ஒப்பிட்டு ஊதிய உயர்வு கேட்பது நகைப்புக்குறியதாகிறது.

 அரசு ஊழியர்கள் ஆசிரியர்களின் வாழ்வாதார போராட்டத்தை இரும்புகரம் கொண்டு நசுக்கியதன் விளைவாக இன்று பல காவலர்கள் மனு எழுதிக்கொண்டே இருக்கிறார்கள்.

சமீபகாலமாக பணிச்சுமை, மன அழுத்தம் காரணமாக காவலர்கள் தற்கொலை செய்துகொள்வது அதிகரித்துவருவது குறிப்பிடத்தக்கது.

இந்த மனு மீதான விசாரணை சுமார் இரண்டரை  மணிநேரம் நீடித்தது. இந்த வழக்கில் மத்திய அரசு சார்பாக துஷர் மேத்தா, முகுல் ரோத்தகி, கே.கே.வேணுகோபால் ஆகிய 3 வழக்கறிஞர்கள் ஆஜராகி வாதிட்டனர்.  மனுதாரர்கள் சார்பில் அபிஷேக் சிங்வி வாதிட்டார். உச்சநீதிமன்ற அறை எண் 6ல் விசாரணை நடைபெற்றது. இரண்டரை மணிநேரமாக நடைபெற்ற காரசார வாதங்களுக்கு பிறகு எடியூரப்பா பதவியேற்பதற்கு தடை விதிக்க முடியாது என உச்சநீதிமன்றம் தீர்ப்பளித்தது.

*15 நாட்களில் மாற்றமில்லை*

15  நாட்களில் பெரும்பான்மையை நிரூபிக்க வேண்டும் என்ற ஆளுநரின் உத்தரவில் மாற்றமில்லை என உச்சநீதிமன்றம் தெரிவித்துள்ளது. முன்னதாக 15 நாட்களை 2 நாட்களாக குறைக்கக்கோரி காங்கிரஸ்-ம.ஜ.த சார்பில் வழக்கறிஞர் அபிஷேக் சிங்வி வாதிட்டது குறிப்பிடத்தக்கது.

*பதவியேற்பை ஒத்திவைக்க கோரிக்கை*
 
பதவியேற்பை மாலை 4.30 மணிக்கு ஒத்திவைக்க வேண்டும் என அபிஷேக் சிங்வி உச்சநீதிமன்றத்தில் கோரிக்கை விடுத்துள்ளார். பதவியேற்பை தள்ளிவைத்து, ஆதரவளிக்கும் எம்எல்ஏக்களின் பட்டியலை அளிக்க உத்தரவிட வேண்டும் எனவும் அவர் வலியுறுத்தியுள்ளார். 

ஸ்டாலின் எடியுரப்பாவை அவசரப்பட்டு வாழ்த்தி விட்டாரா? அவர்கள் சட்டைல மேல் பட்டனை சரியா போடல..., ரெண்டு கையையும் சரியா மடிச்சி விடல, தலைல கோணலா வாக்கு எடுத்திருக்கார், காப்பி கூட ஒழுங்கா குடிக்க தெரியாம ஒரு சொட்டு சட்டைல பட்டு அந்த கரை தெரியுது.... இப்படியெல்லாம் அவரையே உத்து உத்துப் பார்த்து குறை சொல்லி தினம் ஸ்டேடஸ் போட எதிர்க்கட்சிகள் ஒரு கூட்டத்தையே இணையத்தில் உலவ விட்டிருப்பது தெரிந்த கதை தான்..! அதே வேளையை இப்போ சில திமுக காரங்களே செய்ய ஆரம்பிச்சிட்டாய்ங்களோன்னு சந்தேகம் வருகின்ற அளவிற்கு... இங்கே இணையத்தில் சில திமுகவினரின் செயல்பாடுகள் இருப்ப

  அதே வேளையை இப்போ சில திமுக காரங்களே செய்ய ஆரம்பிச்சிட்டாய்ங்களோன்னு சந்தேகம் வருகின்ற அளவிற்கு... இங்கே இணையத்தில் சில திமுகவினரின் செயல்பாடுகள் இருப்பது வேதனை அளிப்பதாக இருக்கிறது..!
கர்நாடகா தேர்தல் முடிவுகளில் காலைல இருந்த டிரெண்டு உடனடியாக மாறி.... பாஜகவுக்கும் காங்கிரசுக்குமான சீட்டு வித்தியாசம் 30க்கும் மேல் எகிறி விட்ட நிலையில்.... பாஜகவும் 100க்கு மேல் முன்னனி மற்றும் வென்ற நிலையில்... அனைத்து ஊடகங்களும் எடியூரப்பா தான் அடுத்த முதல்வர் என்று பரைசாற்றிக்கொண்டிருந்த நிலையில்.... பாஜகவினரோ இந்தியா முழுவதும் வெடி வெடித்து, லட்டு கொடுத்துக் கொண்டிருந்த நிலையில்....  
காங்கிரஸ் காரர்களும் மற்ற எதிர்க்கட்சியினரும் வோட்டிங் மிஷினில் தங்களுக்கான சந்தேகங்களையும், மற்ற மற்ற விஷயங்களையும், காங்கிரஸின் தோல்விக்கான காரணங்களாக விவாதங்களில் சொல்லிக் கொண்டிருந்த நிலையில்..., இணையதளங்களில் கூட சங்கிகள் ஆர்ப்பரித்தும், திராவிடர்களும் சிறுபான்மையினரும் விரக்தியான பதிவுகளை போட்டுக்கொண்டிருந்த நிலையிலும்...
தமிழகத்தின் பிரதான எதிர்க்கட்சியாகவும், அடுத்து ஆட்சிக்கு வரக்கூடிய முழு தகுதியுடனும், தமிழக மக்கள் நலனில் உண்மையான அக்கரையுடனும் இருக்கக் கூடிய திராவிட முன்னேற்ற கழகத்தின் ஆற்றல் மிகு செயல் தலைவர்....
பாஜகவின் கடந்த மூன்றாண்டுகால சட்டமன்ற பொது தேர்தல்களின் வரலாறுகளின் அடிப்படையில் பாஜகவே ஆட்சியமைக்கும் என்ற நிலையில்....
நமக்கு காவிரி பிரச்சினையில் முக்கிய எதிரியாக இருக்கக் கூடிய மாநிலத்தின் புதிய முதல்வராக எந்த நபர் அல்லது எந்த கட்சி வந்தால் என்ன? அவர்களுக்கு சொல்ல வேண்டிய வாழ்த்தினை முன்கூட்டியே சம்பிரதாயமாகச் சொல்லிவிட்டு.... நாங்கள் உங்கள் எதிரிகள் அல்ல, சகோதரத்துவத்தை விரும்புகின்ற சக அண்டை மாநிலம் தான் என்பதை சொல்லாமல் சொல்லி.... வெறும் வாழ்த்தினை மட்டும் சொல்லாமல், கூடவே, எங்களுக்கு வழங்க வேண்டிய காவிரி நீரை உச்சநீதிமன்ற தீர்ப்பின் அடிப்படையில் உடனடியாக வழங்குங்கள் என்ற கோரிக்கையோடு தனது வாழ்த்தினை பதிவு செய்திருந்தார்...!
இதில் என்ன தவறு இருக்கின்றது?!
அவர் பாஜக என்ற கட்சிக்கு வாழ்த்துச் சொன்னாரா? இல்லவே இல்லை, அவர் கர்நாடக மாநில முதல்வராக வருபவருக்கு வாழ்த்துச் சொன்னார். எப்படியாவது தமிழகத்திற்கு உடனடியாக காவிரி நீர் வந்தே ஆக வேண்டும் என்ற ஆவலும், அக்கறையும் தான் அவரது வாழ்த்தில் தெள்ளத்தெளிவாக தெரிகிறது. 
கட்டக் கடைசி நேரத்தில் ஒரு டிவிஸ்ட்.... வெறும் 40 தொகுதிகளே வைத்திருக்கும் குமாரசாமிக்கு 80 தொகுதி வைத்திருக்கும் காங்கிரஸ் ஆதரவு தந்து பாஜக ஆட்சி அமைப்பதை தடுக்க ஒரு அதீத முயற்சி மேற்கொள்ளப்படுகிறது... அதற்குக் கூட இப்பொழுது முட்டுக்கட்டை போடப்பட்டிருக்கிறது....
அதெல்லாம் அந்த மாநில அரசியல் பஞ்சாயத்துக்கள். அதன் மூலம் வேறு யார் முதல்வரானாலும், அதே வாழ்த்தினைத்தான் தளபதியார் மீண்டும் வழங்குவார். யார் வந்தால் என்ன? எங்களுக்கு காவிரி தண்ணீரை உடனடியாக கொடுங்கள் என்ற கோரிக்கையோடு அவரது வாழ்த்து இருக்கும்...!
இதையெல்லாம் ஒரு குற்றச்சாட்டாக தூக்கிக் கொண்டு... அதிலும் திமுகவினர் சிலரே விமர்சிப்பதை ஏற்றுக்கொள்ளவே முடியாது. ஏதோ நமக்கு சம்பந்தமே இல்லாத வட மாநிலத்தில் தேர்தல் நடந்து அதில் இப்படி முழு முடிவுகளும் வருவதற்கு முன்பாக தளபதியார் வாழ்த்துச் சொல்லியிருந்தால் கூட அதை விமர்சிப்பதற்கு சிறிதளவு இடம் இருக்கின்றது என்று ஏற்றுக்கொள்ளலாம்.
ஆனால்....
நமது வாழ்வாதாரப் பிரச்சினை ஒன்று, இந்த தேர்தலுக்காகவே ஒரு மாதகாலமாக் இழுத்தடித்தடிக்கப்பட்டுக் கொண்டிருக்கிறது. அதில் முடிவு வந்து விட்ட நாளில், எவனோ ஒருவனுக்கு வாழ்த்தினைச் சொல்லி, எங்க தண்ணீரை உடனடியாக கொடுங்கடா என்ற அளவில் ஒரு பொருப்புள்ள கட்சித் தலைவராக தளபதியார் கொடுத்த அந்த வாழ்த்துச் செய்தி, நிச்சயமாக பாராட்டுக்குறிய ஒன்றே...!
தளபதியார் ஒன்றும், தமிழகத்தின் துணை முதல்வர் போன்று கொஞ்சம் கூட பொறுப்பே இல்லாமல், கர்நாடகாவில் வென்றதற்காக அந்த கட்சி தலைவருக்கும் பிரதமருக்கும், தென்னகத்தில் காலூன்றியதற்கான வாழ்த்துச் செய்தியை அனுப்பவில்லை. அது தான் நியாயமாக கண்டிக்கப்பட வேண்டிய ஒரு அறிக்கை.
.

தேர்தல் முடிவு: முன்பே கணித்த மம்தா கர்நாடக சட்டப்பேரவைத் தேர்தல் முடிவுகள் பல்வேறு ஊகங்களை ஏற்படுத்தியுள்ள நிலையில், மம்தா பானர்ஜியின் கணிப்பு ஏறக்குறைய தேர்தல் முடிவுகளுடன் நெருக்கமாக உள்ளது. கர்நாடகத் தேர்தல் முடிவுகள் வெளியாகி இழுபறியான நிலை தொடர்கிறது. பாஜக அதிக தொகுதிகளில் வெற்றி

கர்நாடகத் தேர்தல் முடிவுகள் வெளியாகி இழுபறியான நிலை தொடர்கிறது. பாஜக அதிக தொகுதிகளில் வெற்றி பெற்றிருந்தாலும் தனிப்பெரும்பான்மையை பெறாததால் ஆட்சி அமைக்க முடியாத நிலை ஏற்பட்டுள்ளது.

இதற்கிடையே, காங்கிரஸ் மற்றும் மதசார்பற்ற ஜனதா தளம் கட்சிகள் கூட்டணி ஆட்சி அமைக்கவுள்ளதாகவும் மஜகவின் குமாரசாமி முதல்வராகப் பதவியேற்க காங்கிரஸ் சம்மதம் தெரிவித்துள்ளதாகவும் தகவல்கள் வெளியாகியுள்ளன.

கர்நாடகாவின் முதல்வராகக் குமாரசாமி பதவியேற்பார் என்று மேற்கு வங்க முதல்வர் மம்தா பானர்ஜி கணித்திருந்தது குறிப்பிடத்தக்கது. கடந்த மே 11ஆம் தேதி ஜி 24 கண்டா என்ற வங்க ஊடகத்துக்குப் பேட்டியளித்திருந்த மம்தா, “பாஜக மற்றும் காங்கிரஸ் சம அளவில் தொகுதிகளைப் பெற வாய்ப்புள்ளது. முடிவெடுக்கும் சக்தியாக தேவகௌடா இருப்பார். தேவகௌடாவின் மகன் குமாரசாமி முதல்வராக வாய்ப்பு உள்ளது” என்று தெரிவித்திருந்தார். தற்போது தேர்தல் முடிவுகள் வெளியாகியுள்ள நிலையில் அவரது கணிப்புகள் ஏறக்குறைய முடிவுகளோடு நெருக்கமாக உள்ளன.

இதேபோல், மதசார்பற்ற ஜனதா தள கட்சியுடன் காங்கிரஸ் கூட்டணி அமைத்திருந்தால் தேர்தல் முடிவுகள் வித்தியாசமாகியிருக்கும்; மிகப் பெரிய வித்தியாசமாகியிருக்கும் என்று மம்தா தேர்தல் முடிவுகள் தொடர்பாக தனது ட்விட்டர் பக்கத்தில் இன்று கருத்து தெரிவித்திருந்தார். தேர்தலுக்கு முன்பு காங்கிரஸ்-மஜக இடையே கூட்டணி ஏற்படவில்லை என்றாலும் தற்போது முடிவுகள் வெளியாகியுள்ள நிலையில் இரு கட்சிகளும் கூட்டணி அமைத்துள்ளன என்பது குறிப்பிடத்தக்கது.

டெல்லியில் முடிவான டீல்! தளத்துடன் கூட்டணி என்ற பேச்சுக்கே இடமில்லை’ என பாஜகவின் மத்திய அமைச்சரான சதானந்த கவுடா அறிவித்தார். ஆனால் நிலைமை மாற, மாற யாருடைய ஆதரவும் இல்லாமல், பா.ஜ.க. ஆட்சி அமைக்கும் என்று சொல்லி வந்தவர்கள் அதிர்ந்துபோனார்கள். டெல்லியில் இருந்த பிஜேபி தலைவர்களும் இந்த சூழ்நிலையை எதிர்பார்க்கவே இல்லை

“கர்நாடகா தேர்தல் முடிவுகள் எதிர்பாராத திருப்பங்களை உண்டாக்கியிருக்கிறது. காலையில் தேர்தல் முன்னணி நிலவரம் வெளியாகத் தொடங்கியதிலிருந்தே உற்சாகத்தில் இருந்தது பிஜேபி. ‘டிவிங்கிள் டிவிங்கிள் லிட்டில் ஸ்டார்... எடியூரப்பா சூப்பர் ஸ்டார் என்று கர்நாடகா பாஜக அலுவலகத்தில் தொண்டர்கள் உற்சாகத்தில் கோஷங்களும் போட்டனர். வெடியும் போட்டனர். துணை முதல்வர் பன்னீர், திமுக செயல் தலைவர் ஸ்டாலின் என எல்லோரும் எடியூரப்பாவுக்கு வாழ்த்தும் சொன்னார்கள். மதியத்தைக் கடந்தபோதுதான் பாஜகவுக்கு முன்னிலை 104 ஆகக் குறைய ஆரம்பித்தது. காங்கிரஸ் 78 இடங்களிலும், மதசார்பற்ற ஜனதா தளம் 37 இடங்களிலும் தொடர்ந்து முன்னிலை வகிக்க ஆரம்பித்தன.

காலையில் இருந்த நிலவரம் தந்த தெம்பில், ‘மதச்சார்பற்ற ஜனதா தளத்துடன் கூட்டணி என்ற பேச்சுக்கே இடமில்லை’ என பாஜகவின் மத்திய அமைச்சரான சதானந்த கவுடா அறிவித்தார். ஆனால் நிலைமை மாற, மாற யாருடைய ஆதரவும் இல்லாமல், பா.ஜ.க. ஆட்சி அமைக்கும் என்று சொல்லி வந்தவர்கள் அதிர்ந்துபோனார்கள்.

டெல்லியில் இருந்த பிஜேபி தலைவர்களும் இந்த சூழ்நிலையை எதிர்பார்க்கவே இல்லை. இதற்குள் விறுவிறுவெனக் களத்தில் இறங்கிய மதச்சார்பற்ற ஜனதா தளத்தின் குமாரசாமி, காங்கிரஸ் கட்சியின் சித்தராமையாவிடம் பேசியிருக்கிறார். ‘நாம சேர்ந்து ஆட்சி அமைக்க உரிமை கோரலாம். இவ்வளவு நாள் நீங்கதானே முதல்வராக இருந்தீங்க. இந்த முறை எங்களுக்கு விட்டுக் கொடுங்க. எங்களுக்கு ஆதரவு கொடுங்க. உங்களுக்குத் துணை முதல்வர் பதவி கொடுக்கிறோம்...’ எனக் கேட்டிருக்கிறார். அதற்கு சித்தராமையாவோ, ‘உங்களை விட நாங்கதான் அதிக இடங்களில் ஜெயிச்சுருக்கோம். அதனால் நீங்க எங்களுக்கு ஆதரவு கொடுங்க. நான் முதல்வராக இருக்கேன். உங்களுக்கு நீங்க சொன்ன மாதிரியே துணை முதல்வர் பொறுப்பு கொடுக்க ஏற்பாடு செய்யுறேன்..’ என்று சொன்னாராம். இப்படியே பேச்சு நீண்டாலும் அது ஒரு முடிவுக்கு வரவில்லை.

இனி கர்நாடகாவில் பேசி பிரயோஜனம் இல்லை என முடிவுக்கு வந்த குமாரசாமி, டெல்லியில் உள்ள காங்கிஸ் கட்சியின் முக்கியப் பிரமுகர் ஒருவருடன் பேசினாராம். அடுத்த சில நிமிடங்களில் ராகுல் காந்தியே குமாரசாமியை அழைத்துப் பேசியதாகச் சொல்கிறார்கள். சித்தராமையாவிடம் சொன்ன விஷயங்களை அப்படியே ராகுலிடமும் சொல்லியிருக்கிறார் குமாரசாமி. பொறுமையாகக் கேட்ட ராகுல், ‘பிஜேபி வரக் கூடாது என்பதற்காக நீங்க எடுக்கும் இந்த முயற்சிக்கு நாங்க ஒத்துழைக்கிறோம். நீங்க ஆக வேண்டிய காரியத்தில் இறங்குங்க...நான் பேசிக்கிறேன்...’ என ராகுல் சொன்னதாகச் சொல்கிறார்கள். அதன் பிறகுதான் காங்கிரஸ் ஆதரவுடன் ஆட்சி அமைக்க ஆளுநரிடம் உரிமை கோர நேரம் கேட்டுக் கடிதம் கொடுத்தார் குமாரசாமி.

குமாரசாமி ஆளுநரைச் சந்திக்கக் கடிதம் கொடுத்துவிட்டார் என்ற தகவல் பரவியதும், எடியூரப்பா டென்ஷனின் உச்சத்துக்கே போய்விட்டார். டெல்லியில் உள்ள நிர்வாகிகளைத் தொடர்புகொண்டு பேசியபடியே இருந்தார். அவர்கள் கொடுத்த ஐடியாவின்படிதான் ஆளுநரை சந்தித்து ஆட்சி அமைக்க உரிமை கோரினார் எடியூரப்பா. யாரை ஆட்சி அமைக்க ஆளுநர் அழைக்கப் போகிறார் என்பது இன்னும் முடிவாகாமல் கர்நாடக அரசியலில் திக் திக் நிமிடங்கள் கடந்துகொண்டிருக்கின்றன. கர்நாடகாவை விட்டுவிடக் கூடாது என்பதில் பாஜக உறுதியாக இருக்கிறது என்றே தெரிகிறது. இதற்காக எந்த ரிஸ்கையும் எடுப்பதற்கு தயாராகிவிட்டது பாஜக. தேர்தல் சமயத்திலேயே கர்நாடகாவில் அதிகம் பணம் புழங்குகிறது என்று பேசப்பட்டது. இனி புழங்கப் போகும் பணம் மலைக்க வைப்பதாக இருக்கும்!” 

வாக்குக் கணிப்பும் தேர்தல் முடிவும்! இன்று வெளியாகியுள்ள கர்நாடகா சட்டமன்றத் தேர்தல் முடிவுகள், பெரும்பாலான நிறுவனங்கள் வெளியிட்ட வாக்குக் கணிப்புகளுக்கு நெருக்கமாக உள்ளன. கர்நாடக சட்டமன்றத் தேர்தலில் பதிவான வாக்குகளை எண்ணும் பணி, இன்று காலை 8 மணிக்குத் தொடங்கியது. மதியம் 1 ம

கர்நாடக சட்டமன்றத் தேர்தலில் பதிவான வாக்குகளை எண்ணும் பணி, இன்று காலை 8 மணிக்குத் தொடங்கியது. மதியம் 1 மணி வாக்கில் பெரும்பாலான தொகுதிகளின் முடிவுகள் தெரியவந்தன. காங்கிரஸ் கட்சி 78 தொகுதிகளையும், பாஜக 104 தொகுதிகளையும், மதச்சார்பற்ற ஜனதா தளம் 38 தொகுதிகளையும், இதர கட்சிகள் 2 தொகுதிகளையும் கைப்பற்றியுள்ளன.

இந்தத் தேர்தல் முடிவுகள், கடந்த 12ஆம் தேதி நடத்தப்பட்ட வாக்குக் கணிப்பு முடிவுகளுக்கு நெருக்கமாக அமைந்துள்ளன. இது, பலரையும் ஆச்சரியத்தில் ஆழ்த்தியுள்ளது. ஏபிபி – சி வோட்டர், நியூஸ் நேஷன், நியூஸ் எக்ஸ் – சிஎன்எக்ஸ், ரிபப்ளிக் டிவி – ஜன் கி பாத், திக்விஜய் – விஜய்வாணி, இந்தியா டுடே – ஆக்சிஸ் நிறுவனங்கள், வாக்குக் கணிப்பு முடிவுகளை அறிவித்தன. சாணக்யா, விஎம்ஆர் என இரு நிறுவனங்களோடு இணைந்து வாக்கு கணிப்பு முடிவுகளைத் தெரிவித்தது டைம்ஸ் நவ்.

இவற்றில் நியூஸ் எக்ஸ் – சிஎன்எக்ஸ், திக்விஜய் – விஜய்வாணி வெளியிட்ட வாக்குக் கணிப்புகள், தேர்தல் முடிவுகளோடு கிட்டத்தட்ட ஒத்துப்போகின்றன. சிஎன்எக்ஸ் வெளியிட்ட வாக்குக் கணிப்பில் பாஜகவுக்கு 102-110 தொகுதிகளும், காங்கிரஸுக்கு 72-78 தொகுதிகளும், மதச்சார்பற்ற ஜனதா தளம் கட்சிக்கு 35-39 தொகுதிகளும், இதர கட்சிகள் 3-5 தொகுதிகளும் பெறுமென்று குறிப்பிடப்பட்டுள்ளது.

விஜய்வாணி வெளியிட்ட வாக்குக் கணிப்பில் பாஜகவுக்கு 103-107 தொகுதிகளும், காங்கிரஸுக்கு 76-80 தொகுதிகளும், மதச்சார்பற்ற ஜனதா தளம் கட்சிக்கு 31-35 தொகுதிகளும், இதர கட்சிகள் 4-8 தொகுதிகளும் பெறுமென்று குறிப்பிடப்பட்டுள்ளது.

ரிபப்ளிக் டிவி – ஜன் கி பாத் வெளியிட்ட முடிவுகள் இன்றைய நிலவரத்திலிருந்து சிறிதளவு மட்டுமே பிசகியுள்ளது வியப்பை உண்டாக்கியுள்ளது. பாஜகவுக்கு 104 தொகுதிகளும், காங்கிரஸுக்கு 78 தொகுதிகளும், மதச்சார்பற்ற ஜனதாதளம் கட்சிக்கு 37 தொகுதிகளும், இதர கட்சிகள் 3 தொகுதிகளும் பெறுமென்று தனது வாக்குக் கணிப்பில் இந்த நிறுவனம் தெரிவித்திருந்தது.

தேர்தலுக்கு முந்தைய கருத்துக் கணிப்புகளில் பெரும்பாலானவை காங்கிரஸ் கட்சியே முன்னிலை பெறுமென்று குறிப்பிட்டன. காங்கிரஸுக்கு அடுத்த இடத்தையே பாஜக பிடிக்குமென்று கூறியிருந்தன. ஏபிபி நியூஸ் – சிஎஸ்டிஎஸ், டைம்ஸ் நவ் – விஎம்ஆர், இந்தியா டுடே – கார்வி, சி போர், டிவி 9 – சி வோட்டர் நிறுவனங்கள் வெளியிட்ட கருத்துக் கணிப்புகள் அனைத்திலும் மதச்சார்பற்ற ஜனதாதளம் கட்சியானது சராசரியாக 30-40 இடங்களைப் பெறுமென்று தெரிவித்திருந்தன. இதனைத் தவிர, இந்த கருத்துக் கணிப்புகள் அனைத்தும் தேர்தல் முடிவுக்கு மாறாக உள்ளன. ஆனால், தொங்கு சட்டமன்றம் அமையும் என்ற கருத்து மட்டும், தேர்தலுக்கு முன்பும் பின்பும் மாறவில்லை.

தன்னையே பரிசோதனைப் பொருளாக மாற்றிக்கொண்ட ரஜினி

ரஜினிகாந்துக்கு பாபா படம் அரசியல், சினிமா நண்பர்கள், தனது குடும்ப உறுப்பினர்கள், சினிமா வியாபாரம் ஆகியவற்றைப் பற்றிய தெளிவையும் புரிதலையும் கற்றுக் கொடுத்தது.

சினிமாவில் நாயகனாக நடித்து கோடிக்கணக்கில் சம்பளம் வாங்குவதைக் கடந்து, பிழைக்க வந்த ஊரில் நம்பர் ஒன் நடிகனாகப் பெற்ற அங்கீகாரத்தைத் தக்கவைத்துக்கொள்ள வேண்டிய இக்கட்டான சூழலில் இருந்தார். இளைய நடிகர்கள் நடித்த படங்களுக்கு தன் படங்கள் போல ஒப்பனிங் இல்லை என்றாலும் சமச்சீராக தியேட்டர்களில் நான்கு வாரங்களைக் கடந்து ஓடுவது ரஜினியை யோசிக்க வைத்தது. தொடர்ந்து படத்தில் நடிக்காவிட்டால் சினிமாவில் நாம் காணாமல் போய்விடுவோம் என்பதைப் புரிந்துகொண்ட ரஜினி ஜக்குபாய் படத்திற்கான பூஜையை ஏவிஎம் பிள்ளையார் கோவிலில் நடத்தினார். கே.எஸ்.ரவிக்குமார் இயக்கம் என அறிவிக்கப்பட்டது.

பூஜையில் ரஜினி காலில் பூட்ஸ் அணிந்திருக்கும் புகைப்படம் சர்ச்சையைக் கிளப்பியது.

பாபா படத்தில் சிகரெட்டுடன் இருந்த புகைப்படங்கள், காட்சிகளை, புகையிலைப் பழக்கத்தை ஒழிக்க வேண்டும் எனப் போராடிவந்த பாமக நிறுவனர் ராமதாஸ், அன்புமணி ராமதாஸ் இருவரும் எதிர்த்துவந்தனர்.

திரைப்படத்தில் புகைபிடிக்கும் காட்சிகளில் ரஜினி மட்டுமல்ல கதாநாயக நடிகர்கள் யாருமே நடிக்கக் கூடாது என்று அன்புமணி வேண்டுகோள் வைத்திருந்தார்.

அப்போது அதனை ரஜினிகாந்த் எதிர்க்கவும் இல்லை, ஆதரிக்கவும் இல்லை. அதன் விளைவாக, பாபா படத்துக்கு பாமக எதிர்ப்பு தெரிவித்தது. ஜெயங்கொண்டத்தில் பாபா படப்பெட்டி கடத்தப்பட்டது, விருத்தாசலத்தில் படப்பெட்டி பாமகவினரால் தூக்கிச் செல்லப்பட்டது, இதனை மட்டும் காவல் துறை பேச்சுவார்த்தை நடத்தி மீட்டுக் கொடுத்தனர்.

இவற்றையெல்லாம் யோசித்து ஜக்குபாய் பட பூஜையை நடத்தியும் பிசிறடித்தது. எந்தக் காரணமும் கூறாமல் படத் தயாரிப்பு கைவிடப்பட்டது.

ஆனால், ஆடிய காலும் பாடிய வாயும் சும்மா இருக்காது என்கிற பழமொழிக்கு ஏற்ப ரஜினி சும்மா இருக்க விரும்பவில்லை.

சொந்தமாகவும் தயாரிக்கக் கூடாது, வெளி கம்பெனி தயாரிப்பு என்றால் தனக்கு என்ன சம்பளம் என்பதைத் தீர்மானிக்க முடியாது என்பதற்கு முடிவு காண விரும்பிய ரஜினி தன்னைப் பரிசோதனைப் பொருளாக மாற்றிப் பார்க்க ஆசைப்பட்டார். அதற்குப் பிற தயாரிப்பாளர்கள் தயாராக மாட்டார்கள் என்பதால் சிவாஜி குடும்பத்திற்குத் தான் கொடுத்த வாக்கை நிறைவேற்ற கால்ஷீட் ஒதுக்கினார் ரஜினி.

சிவாஜி குடும்பத்திற்கு ஆனந்தம். சிவாஜி புரொடக்‌ஷன், ரஜினி இரு தரப்புக்கும் கைக்கு அடக்கமான பி.வாசு கன்னடத்தில் இயக்கி வெற்றி பெற்ற ஆப்த மித்ரா கதையை ரீமேக் செய்ய முடிவு செய்யப்பட்டு இயக்குனராக வாசு ஒப்பந்தம் செய்யப்பட்டார். படத்திற்கு சந்திரமுகி எனப் பெயர் வைக்கப்பட்டது. குறுகிய காலத் தயாரிப்பாகச் சுமார் 50 நாட்களில் படம் எடுத்து முடிக்கப்பட்டது.

ரஜினிக்கு சம்பளம் என்ன என்பது முடிவு செய்யப்படாமல் படப்பிடிப்பு முடிந்தது. மோசமான நிதி நெருக்கடியில் சிவாஜி புரொடக்‌ஷன் இருந்ததால், வியாபாரம் முடிந்த பின் தனக்கான சம்பளத்தைப் பெற்றுக் கொள்ளும் முடிவில் இருந்தார் ரஜினி. படத்திற்கு எந்த எதிர்பார்ப்பும் இல்லை. அதுவே அந்த படத்திற்கான பலம் என்பதை சந்திரமுகி வசூல் உறுதிப்படுத்தியது.

பட வெளியீட்டுக்கு முன் நடைபெற்ற சந்திரமுகி இசை வெளியீட்டு விழாவில் ரஜினிகாந்த் பேசிய பேச்சு சினிமா துறையில் மட்டுமல்ல, அரசியல், சமூகத் துறைகளிலும், பெண்கள் மத்தியிலும் சந்திரமுகியை எதிர்பார்ப்புக்கு உரிய படமாக மாறியது.

அதே நேரம் திருப்பாச்சி வெற்றிக்குப் பின் விஜய் நடித்த சச்சின் படம் முடியும் தறுவாயில் இருந்தது. இப்படத்தை 2005 ஏப்ரல் 14 அன்று ரிலீஸ் செய்யத் திட்டமிட்டிருந்தனர். இதனை அறிந்த சிவாஜி குடும்பத்தினர் தயாரிப்பாளர் கலைப்புலி தாணுவிடம் மிகுந்த சிரமத்துடன் படத்தை முடித்திருக்கிறோம். ஒரு வாரம் தள்ளி வாருங்கள் என வேண்டுகோள் வைத்தனர்.

ஜனவரியில் வெளியான திருப்பாச்சி மிகப் பெரும் வெற்றி பெற்றிருந்தது. அதனை சச்சின் மூலம் அறுவடை செய்ய விரும்பிய கலைப்புலி தாணு மறுத்துவிட்டார். வேறு வழியின்றி நீண்ட வருடங்களுக்குப் பின் ரஜினி நடித்த சந்திரமுகி படத்திற்கு நேரடிப் போட்டியாளராக சச்சின் ரிலீஸ் செய்யப்பட்டது.

ஸ்மார்ட் போன் விற்பனை அதிகரிப்பு!

நடப்பாண்டின் முதல் மூன்று மாதங்களில் இந்தியாவின் ஸ்மார்ட் போன் விற்பனை 11 சதவிகிதம் அதிகரித்துள்ளதாக ஆய்வு ஒன்றின் வாயிலாகத் தெரியவந்துள்ளது.

இது தொடர்பாக ஐடிசி நிறுவனம் வெளியிட்டுள்ள ஆய்வறிக்கையில் கூறப்பட்டுள்ளதாவது: ‘2017ஆம் ஆண்டின் ஜனவரி - மார்ச் மாதங்களில் இந்தியாவில் மொத்தம் 2.7 கோடி ஸ்மார்ட் போன்கள் மட்டுமே விற்பனையாகியிருந்த நிலையில் 2018 ஜனவரி - மார்ச் காலகட்டத்தில் அந்த எண்ணிக்கை 3 கோடியாக அதிகரித்துள்ளது. இது 11 சதவிகிதம் உயர்வாகும். ஸ்மார்ட் போன் விற்பனையில் சீனாவின் க்ஷியோமி நிறுவனம் 30.3 சதவிகித சந்தைப் பங்குடன் முதலிடத்தில் இருக்கிறது. 25.1 சதவிகித சந்தைப் பங்குடன் சாம்சங் இரண்டாமிடத்திலும், 7.4 சதவிகித சந்தைப் பங்குடன் ஆப்போ மூன்றாமிடத்திலும், 6.7 சதவிகிதப் பங்குடன் விவோ நான்காம் இடத்திலும் இருக்கின்றன. ஸ்மார்ட் போன் விற்பனை சென்ற ஆண்டைவிட உயர்ந்திருந்தாலும் இதற்கு முந்தைய காலாண்டு விற்பனையை விட இது குறைவுதான்.’

ஸ்மார்ட் போன்களின் விலையைப் பொறுத்து அவற்றின் விற்பனையும் மாறுபட்டுள்ளது இந்த ஆய்வின் வாயிலாகத் தெரியவந்துள்ளது. ரூ.40,000 அல்லது அதற்கு மேற்பட்ட விலைகொண்ட ஸ்மார்ட் போன்கள் 68 சதவிகித வளர்ச்சியைப் பதிவு செய்துள்ளன. இதில் சாம்சங் கேலக்ஸி எஸ் 9 ஸ்மார்ட் போன்களுக்கான தேவை மிக அதிகமாக இருந்தது. ரூ.27,000 முதல் ரூ.40,000 வரையிலான விலை கொண்ட ஸ்மார்ட் போன்களுக்கான பிரிவில் ஒன் பிளஸ் ஸ்மார்ட் போன்கள் 50 சதவிகித சந்தைப் பங்குடன் ஆதிக்கம் செலுத்துகின்றன.

திருப்பதி: முதல்வருக்கு அதிர்ச்சியளித்த பக்தர்!

தனது குடும்பத்தினருடன் திருப்பதி சென்ற முதல்வர் எடப்பாடி பழனிசாமியின் முன்னால் தமிழகத்தைச் சேர்ந்த பக்தர் ஒருவர் சாமியாடி அதிர்ச்சி அளித்துள்ளார்.

சாமி தரிசனம் செய்ய முதல்வர் எடப்பாடி பழனிசாமி நேற்று (மே 14) மாலை குடும்பத்தினருடன் திருப்பதி சென்றார். அவரை திருமலை திருப்பதி தேவஸ்தான இணை நிர்வாக அதிகாரி ஸ்ரீநிவாச ராஜு பூங்கொத்து கொடுத்து வரவேற்றார். இதனைத் தொடர்ந்து முதல்வர் பழனிசாமி, இரவு திருமலையில் உள்ள வராக சுவாமி கோயிலுக்குச் சென்று சாமி தரிசனம் செய்தார். அதன் பின்னர் லக்ஷ்மி நரசிம்மர் கோவிலுக்கு சாமி தரிசனம் செய்யச் சென்றுள்ளார்.

முதல்வர் சாமி தரிசனம் செய்துகொண்டிருக்கும்போது அருகில் இருந்த பக்தர் ஒருவர் திடீரென ஆவேசமாக சாமியாடி கத்தியுள்ளார். சாமியாடிய பக்தர், எடப்பாடி பழனிசாமி தமிழகத்தைச் சீரழித்துவிட்டதாகவும், தன்னை வந்து பார்க்குமாறும் ஆவேசமாகக் கத்தினார். இந்த சம்பவத்தால் முதல்வர் மற்றும் அவரது குடும்பத்தினர் மிகுந்த அதிர்ச்சி அடைந்துள்ளனர். சாமியாடிய அந்த நபரைக் காவல் துறையினர் உடனடியாக அங்கிருந்து அகற்றி, அவரிடம் விசாரணை நடத்தினர்.

சாமியாடிய நபர் ஸ்ரீவில்லிபுத்தூரைச் சேர்ந்தவர் என்றும் அவரது பெயர் ஸ்ரீராமலு என்றும் விசாரணையில் தெரியவந்துள்ளது. சில மணிநேரம் நடத்தப்பட்ட விசாரணைக்குப் பிறகு ஸ்ரீராமலு விடுவிக்கப்பட்டுள்ளார்.

இந்தச் சம்பவங்களுக்குப் பிறகு திருப்பதியில் தங்கிய முதல்வர் இன்று (மே 15) காலை அஷ்டதளபாத பத்மாராதனை சேவையில் சாமி தரிசனம் செய்தார். தேவஸ்தான அதிகாரிகள், அர்ச்சகர்கள் வரவேற்று, தரிசன ஏற்பாடுகளைச் செய்தனர். இதனைத் தொடர்ந்து, ரங்கநாயக மண்டபத்தில் முதல்வர் பழனிசாமிக்கு தீர்த்த பிரசாதங்கள் வழங்கி கவுரவிக்கப்பட்டது. பின்னர் அவர் திருமலையிலிருந்து சென்னை புறப்பட்டுச் சென்றார்.

அரசு நிலத்தை ஆக்கிரமித்த சாஸ்திரா பல்கலை! தஞ்சையில் திறந்த வெளிச்சிறை கட்டுவதற்காக தமிழக சிறைத்துறைக்கு ஒதுக்கப்பட்ட அரசு நிலத்தை சாஸ்திரா பல்கலைக் கழகம் ஆக்கிரமித்துள்ளது அதிர்ச்சி அலைகளை ஏற்படுத்தியுள்ளது. தஞ்சையில் திருமலை

தஞ்சையில் திருமலைச்சமுத்திரத்தில் 1985இல் தமிழக அரசு 58.17 ஏக்கர்களை திறந்த வெளிச்சிறை கட்டுவதற்காக சிறைத்துறைக்கு அளித்தது. திறந்த வெளிச்சிறைச்சாலைக்காக ஒதுக்கப்பட்ட நிலத்தில் ஒரு பகுதியை சாஸ்திரா பல்கலைக்கழகம் ஆக்ரமித்து பல்கலைக்கான கட்டடங்களை கட்டியுள்ளது.

ஆக்கிரமிப்பு கட்டடம் இடிப்பு:

தற்போது ஆக்கிரமித்து கட்டப்பட்டுள்ள சாஸ்திரா பல்கலைக்கழகத்தின் கட்டடங்களை இடிக்க வேண்டுமென்று சிறைத்துறை தஞ்சாவூர் ஆட்சியருக்கு கடிதம் எழுத உள்ளது அதே சமயத்தில், தமிழ்நாடுபோலீஸ் குடியிருப்பு கழகத்திடம் திறந்த வெளிச் சிறை கட்டுவதற்கான விரிவான செலவு மதிப்பீட்டையும் சிறைத்துறை கேட்டுள்ளது.

திறந்தவெளிச்சிறை கட்டுவது என்பது சிறைத்துறையின் லட்சியத்திட்டமாகும். வாழ்நாள் சிறைத்தண்டனை பெற்ற கைதிகள் தங்களது தண்டனைக்காலத்தில் 7 ஆண்டுகள் கழிந்த பின்னா் ,மீதியிருக்கும் தண்டனைக் காலத்தை கழிக்க திறந்த வெளிச்சிறைக்கு மாற்றப்படுவார்கள்.

திறந்த வெளிச்சிறைச்சாலை:

திறந்த வெளிச்சிறைச்சாலை என்பது மற்ற சிறைகளிலிருந்து மாறுபட்டதாகும். இங்கு கைதிகள் சுதந்திர வெளியில் காலையிலிருந்து மாலை வரை நடமாடலாம் . எந்தப்பணிகளையும் மேற்கொள்ளலாம். இங்கு மற்ற சிறைகளைப்போன்று ஒவ்வொரு செல்லுக்குமிடையே தடுப்புச் சுவர்கள் கிடையாது. இரவு நேரத்தில் மட்டும் கைதிகள் தங்களது அறைக்கு திரும்பினால் போதுமானது.

சிறைக்கு ஒதுக்கப்பட்ட நிலத்தை ஆக்கிரமித்து அதை சமாளிப்பதற்கு இந்த பிரச்சினை தொடங்கிய நாள் முதலே பல முயற்சிகளை சாஸ்திரா பல்கலைக்கழகம் செய்து வருகிறது.

ஆக்கிரமிப்பாளரின் எக்சேன்ஜ் ஆஃபர்:

சாஸ்திரா பல்கலைக் கழகத்தின் தாளாளரும் செயலரும் சிறைத்துறைக்கு ஒதுக்கப்பட்ட நிலத்தின் எல்லையோடு சேர்ந்திருக்கும் நிலத்தை தங்களுக்கு தர வேண்டும் என்றும் அதற்கு பதிலாக புதுக்கோட்டை மாவட்டத்திலுள்ள 70.56 ஏக்கரை தருவதாக அரசிடம் வேண்டுகோள் விடுத்தனர். ஆனால் அவர் வைத்த திட்டத்தை அரசு 1996இல் நிராகரித்து விட்டது.

இதன்பின்னர், சாஸ்திரா பல்கலைக்கழகம் சிறைத்துறைக்கு சொந்தமான 30 ஏக்கர் நிலத்தை ஆக்கிரமித்து அதில் தனது கட்டடங்களைக் கட்டிக்கொண்டது. இதனைத்தொடர்ந்து மாவட்ட அதிகாரிகள் பல்கலைக் கழகத்திற்கு ஆக்கிரமித்துள்ள இடத்தை விட்டு வெளியேறுமாறு நோட்டீசை அனுப்பினா். பல்கலைக்கழகம் தங்களை வெளியேற்றுவதற்கான நடவடிக்கைகளுக்கு இடைக்கால தடை விதிக்குமாறு சென்னை உயர்நீதிமன்றத்தில் வழக்கு தொடர்ந்தனர்.ஆனால் நீதிமன்றம் அந்த வழக்கை தள்ளுபடி செய்து விட்டது.

ஆக்கிரமிப்பாளரின் பேரங்கள்:

இந்நிலையில் , நில நிர்வாக ஆணையரினால் ஒரு திட்டம் முன்வைக்கப்பட்டது. அந்தத் திட்டத்தில் 20.62 ஏக்கரை சந்தையின் விலையைக்காட்டிலும் இரண்டு மடங்கு வைத்து பல்கலைக்கழகத்திற்கு விற்பது என பரிந்துரைத்திருந்தார். ஆனால் ஆக்கிரமிப்பாளருக்கே அவரால் ஆக்கிரமிக்கப்பட்ட நிலத்தை கொடுப்பது இது போன்ற நில ஆக்கிரமிப்பு வழக்குகளில் ஒரு மோசமான முன்னுதாரணத்தை உருவாக்கி விடும் என்று கூறிய அரசு அந்த திட்டத்தையும் நிராகரித்து விட்டது.

இதன் பிறகும் பல்கலைக்கழகம் மீண்டும் ஒரு சட்ட நடவடிக்கையை எடுத்தது. அது ஏற்கனவே நிராகரிக்கப்பட்ட நில ஆணையரின் பரிந்துரையை முன் வைத்து 2017ல் வழக்கு தொடர்ந்தது. அதையும் பரிசீலித்த நீதிமன்றம் நிராகரித்து விட்டது.

திறந்த வெளிச்சிறைச்சாலையை அமைப்பதற்கான பணிகளுக்கு தயாராகும் போது , சாஸ்திரா பல்கலைக்கழகம் தங்களால் ஆக்கிரமிக்கப்பட்ட நிலங்களுக்கு பதிலாக 3பகுதிகளிலுள்ள நிலங்களைத்தருவதாக மாநில தலைமைச்செயலரிடம் பேரம் பேசியது. இருப்பினும் அந்த திட்டமும் தஞ்சாவூர் ஆட்சித்தலைவரால் நிராகரிக்கப்பட்டது . 2018 ஜனவரியில் சாஸ்திரா பல்கலைக்கழகம் 4 இடங்களை தருவதாக அரசிடம் திட்டமொன்றை வைத்தது. அந்த திட்டமானது அரசு முன்பாக பரிசீலினையில் உள்ளது.

அரசின் கொள்கை:

இது தொடர்பாக சிறைத்துறையின் மூத்த அதிகாரி ஒருவர் கூறுகையில், இது போன்று நிலங்களை பரிமாறிக்கொள்வது அரசின் கொள்கையில் இல்லை அதனால் பலமுறை பல்கலைக்கழகத்தின் ஆஃபர்கள் நிராகரிக்கப்பட்டுள்ளன எனத் தெரிவித்துள்ளார்.

திறந்த வெளிச் சிறைச்சாலை கட்டுவதற்கான வடிவமைப்பு மற்றும் செலவு மதிப்பீடு தயாராகிக் கொண்டிருக்கிறது. விரைவில் திட்டத்தை தொடங்கி விடுவோம் என்று கூறிய அவர் மாவட்ட ஆட்சித்தலைவரிடம் ஆக்கிரமிப்புகளை அகற்றுமாறு சிறைத்துறை கேட்டுக்கொண்டுள்ளதாக தெரிவி்த்தார். மேலும் சிறந்த வெளிச்சிறைச்சாலை கட்டுவதை தாமதப்படுத்திட எந்த உத்தரவும் பிறப்பிக்கப்படவில்லை. அதனால் விரைவில் திட்டத்தை தொடங்குவோம் என்றும் குறிப்பிட்டார்.

.

முதன்மை மாநிலமாகத் தமிழகம்: முதல்வர்! அனைத்துத் துறைகளிலும் தமிழகம் முதன்மை மாநிலமாக விளங்கிக் கொண்டிருப்பதாக முதல்வர் எடப்பாடி பழனிசாமி பெருமிதம் தெரிவித்துள்ளார். சேலம் குரங்குச் சாவடி மற்றும் ஏ.வி.ஆர் ரவுண்டானா பகுதியில் 82.27 கோடி மதிப்பீட்டில் கட்டப்பட்ட மேம்பாலத்தில் போக்குவரத்தை முதல்வர் எடப்பாடி பழனிசாமி இன்று (மே 13) கொடியசைத்து தொடங்கி வைத்தார். விழாவில் எம்.எல்.ஏ செம்மலை,

சேலம் குரங்குச் சாவடி மற்றும் ஏ.வி.ஆர் ரவுண்டானா பகுதியில் 82.27 கோடி மதிப்பீட்டில் கட்டப்பட்ட மேம்பாலத்தில் போக்குவரத்தை முதல்வர் எடப்பாடி பழனிசாமி இன்று (மே 13) கொடியசைத்து தொடங்கி வைத்தார். விழாவில் எம்.எல்.ஏ செம்மலை, சேலம் மாவட்ட ஆட்சியர் ரோகிணி ஆகியோர் கலந்து கொண்டனர்.

விழாவில் பேசிய முதல்வர் எடப்பாடி பழனிசாமி, "பசுமை வழிச்சாலை மிகமிக முக்கியம். நாட்டினுடைய பொருளாதார வளர்ச்சி உள்கட்டமைப்பை பொறுத்துத்தான் இருக்கிறது. இன்றைக்கு நாளுக்குநாள் படித்தவர்களுடைய எண்ணிக்கை அதிகரித்துக் கொண்டு செல்லும் பொழுது அவர்களுக்கு வேண்டிய வேலைவாய்ப்பை உருவாக்கித் தரவேண்டும். அப்படியென்றால் புதியபுதிய தொழில்கள் துவக்கப்படவேண்டும். அப்படி புதியபுதிய தொழில் துவக்கப்பட வேண்டும் என்றால் தேவையான உள்கட்டமைப்பு இருந்தால்தான், புதிய தொழில்முனைவோர் முன்வருவார்கள். ஆகவேதான், பசுமை வழிச்சாலையின் மூலமாக சேலம் பகுதி வளர்ச்சி அடைவதற்கு இந்தத் திட்டத்தை விரைவிலே கொண்டு வருவதற்கு மத்திய அரசின் மூலமாக நாம் முயற்சி செய்து வருகிறோம்" என்று தெரிவித்துள்ளார்.

"இந்தியாவிலேயே வேளாண் துறை, மருத்துவத் துறை உள்ளிட்ட அனைத்துத் துறைகளிலும் முதன்மையாக விளங்கக்கூடிய நிலை தமிழகத்திலே பார்க்க முடிகின்றது. கல்வித் துறையில் இந்தியாவிலேயே உயர்கல்வி படிக்கின்ற மாணவர்களுடைய எண்ணிக்கை தமிழகம் தான் முன்னிலை வகிக்கின்றது. சாலைப் போக்குவரத்திலும் தமிழகத்தில்தான் சாலை சிறப்பாகப் பராமரிக்கப்பட்டு வருகிறது என்று மத்திய அரசே கூறியிருக்கிறது. அந்த அளவிற்கு தமிழக அரசு எல்லாத் துறைகளிலும் வளர்ச்சியைக் காண்பதற்கு திட்டங்களைத் தீட்டியிருக்கிறது" என்றும் குறிப்பிட்டுள்ளார்.

.

வறுமை ஒழிப்பு: தென்மாநிலங்களால் பயனடையும் இந்தியா! ஐந்து தென்மாநிலங்களின் வளர்ச்சியால் பல பரிமாண வறுமை விகித தரவரிசைப் பட்டியலில் இந்தியாவின் இடம் மேம்பட்டுள்ளது. வருமானத்தை மட்டும் கணக்கில்

வருமானத்தை மட்டும் கணக்கில் கொள்ளாமல் மக்களின் கல்வி, சுகாதாரம், வாழ்க்கைத் தரம் ஆகியவற்றின் அடிப்படையில் உலகளவில் பல பரிமாண வறுமையின் அளவு மதிப்பிடப்படுகிறது. ஐந்து தென்மாநிலங்களின் வளர்ச்சியால் பல பரிமாண வறுமை விகித தரவரிசைப் பட்டியலில் இந்தியாவின் இடம் மேம்பட்டுள்ளது. 2005-06ஆம் ஆண்டுக்கும் 2015-16ஆம் ஆண்டுக்கும் இடைப்பட்ட காலகட்டத்தில் இந்தியாவில் வறுமையின் விகிதம் 55 விழுக்காட்டில் இருந்து 21 விழுக்காடாகக் குறைந்துள்ளது. இதனால் பல பரிமாண வறுமை விகிதத்தில் இந்தியாவின் நிலை மேம்பட்டுள்ளது. 102 வளரும் நாடுகள் அடங்கிய இப்பட்டியலில் இந்தியா 54ஆவது இடத்தில் இருந்து (பத்து ஆண்டுகளுக்கு முன்பு) 26ஆவது இடத்தைப் பிடித்துள்ளது.

ஐந்து முக்கிய தென்மாநிலங்களில் வறுமையின் சுமை குறைவாக இருந்ததால் இந்தியாவில் வறுமையின் விகிதம் ஆண்டுக்குச் சராசரியாக 3.4 புள்ளிகள் குறைந்து வந்துள்ளது. பல பரிமாண வறுமை விகிதத்தின் தேசிய சராசரி 21 விழுக்காடாக உள்ளது. தமிழ்நாடு, கேரளா, கர்நாடகா, தெலங்கானா, ஆந்திரப் பிரதேசம் ஆகிய ஐந்து தென்மாநிலங்களில் பல பரிமாண வறுமை விகிதத்தின் சராசரி 9 விழுக்காடாக உள்ளது. எனினும் அனைத்து மாநிலங்களிலுமே வறுமையின் விகிதம் குறைவடைந்துள்ளது. இந்தியாவிலேயே வறுமையான மாநிலமாக பீகார் உள்ளது. பல பரிமாண வறுமையின் விகிதம் பீகாரில் 43 விழுக்காடாகவும், ஜார்கண்டில் 36 விழுக்காடாகவும், உத்தரப் பிரதேசத்தில் 31 விழுக்காடாகவும், ராஜஸ்தானில் 31 விழுக்காடாகவும், ஒடிசாவில் 29 விழுக்காடாகவும் உள்ளது.

தென்மாநிலங்களில் பல பரிமாண வறுமையின் விகிதம் கேரளாவில் ஒரு விழுக்காடாகவும், தமிழ்நாட்டில் 6 விழுக்காடாகவும், கர்நாடகத்தில் 11 விழுக்காடாகவும், தெலங்கானாவில் 14 விழுக்காடாகவும், ஆந்திரப் பிரதேசத்தில் 13 விழுக்காடாகவும் உள்ளது. இதர மாநிலங்களான குஜராத்தில் பல பரிமாண வறுமையின் விகிதம் 16 விழுக்காடாகவும், மேற்கு வங்கத்தில் 17 விழுக்காடாகவும் உள்ளது.

‘எஸ்டிமேட்ஸ் ஆஃப் பாவர்டி இன் இந்தியா: எவிடன்ஸ் ஃப்ரம் நேஷனல் ஃபேமிலி ஹெல்த் சர்வே-4 (2015-2016)’ என்ற தலைப்பில் வெளியாகியுள்ள ஓர் அறிக்கையில், “இந்திய மாநிலங்களின் பல பரிமாண வறுமை விகிதத்தை சர்வதேச நாடுகளின் விகிதத்துடன் ஒப்பிட்டுப் பார்த்தால், காங்கோவுக்கும் (மத்திய ஆப்பிரிக்க நாடு) யேமனுக்கும் நடுவே பீகார் உள்ளது. கம்போடியாவுக்கும் கோமரோஸுக்கும் (கிழக்கு ஆப்பிரிக்க நாடு) நடுவே ஜார்கண்ட் உள்ளது. வனுவாட்டுவுக்கும் கானாவுக்கும் (மேற்கு ஆப்பிரிக்க நாடு) நடுவே உத்தரப் பிரதேசம் உள்ளது. நேபாளத்துக்கும் ஜிபூட்டிக்கும் (கிழக்கு ஆப்பிரிக்க நாடு) நடுவே மத்தியப் பிரதேசமும், ஒடிசாவும் உள்ளன” என்று கூறப்பட்டுள்ளது. ஆக, ஆப்பிரிக்க நாடுகளுக்கு நிகரான நிலையில் வட இந்திய மாநிலங்களின் வறுமை நிலை இருப்பதை நம்மால் புரிந்துகொள்ள முடிகிறது.
.

ஜெ.வை விட எடப்பாடி ஆட்சி சிறப்பானது! முன்னாள் முதல்வர் ஜெயலலிதாவை விட முதல்வர் எடப்பாடி பழனிசாமி பயங்கரமாக ஆட்சி செய்து வருவதாக வனத் துறை அமைச்சர் திண்டுக்கல் சீனிவாசன் புகழ்ந்து பேசியுள்ளது அதிமுகவினர் மத்தியில் சலசலப்பை ஏற்படுத்தியுள்ளது.

சேலம் மாவட்டம் ஏற்காட்டில் நேற்று (மே 12) நடைபெற்ற கோடை விழாவில் பேசிய அமைச்சர் திண்டுக்கல் சீனிவாசன், “ஜெயலலிதாவின் ஆட்சியை விட முதல்வர் எடப்பாடி பழனிசாமியின் ஆட்சி பயங்கரமாக சென்று கொண்டிருக்கிறது. தொலைக்காட்சியைப் பார்த்தால் முதல்வர் பல்வேறு திட்டங்களையும் நிறைவேற்றினார் என்று தொடர்ந்து செய்தி வருகிறது. தலைமைக் கழகத்தில் பார்த்தோம் என்றால் காலை 10 மணிக்கே வந்து பணிகளை ஆரம்பிக்கிறார். ஒவ்வொரு முதல்வருக்கும் ஆட்சியை நடத்துவதில் ஒவ்வொரு ஸ்டைல் இருக்கும். ஆனால், மக்களோடு மக்களாகப் பழகும் எடப்பாடி பழனிசாமியின் ஸ்டைல் வித்தியாசமானது. இந்த ஸ்டைல் இனி எந்த முதல்வருக்கும் வராது” என்று பேசினார். ஜெயலலிதா ஆட்சியை விட எடப்பாடி பழனிசாமி ஆட்சி சிறப்பாக இருக்கிறது என்று அமைச்சர் கூறியுள்ள விவகாரம் ஆளும் கட்சித் தொண்டர்களிடையே சலசலப்பை ஏற்படுத்தியுள்ளது.

முன்னதாக அமைச்சர் திண்டுக்கல் சீனிவாசன் தொடர்ந்து சர்ச்சைக்குரிய விதத்திலேயே பேசி வருகிறார். கடந்த ஆண்டு செப்டம்பரில் மதுரையில் நடைபெற்ற நிகழ்வு ஒன்றில் பேசிய அமைச்சர், “ஜெயலலிதா மருத்துவமனையில் இட்லி சாப்பிட்டார் என்று பொய் சொன்னோம். அதற்காக மக்களிடம் மன்னிப்புக் கேட்டுக் கொள்கிறோம்” என்று கூறினார். இந்தப் பேச்சு சர்ச்சையை உண்டாக்கிய நிலையில், விசாரணை ஆணையம் அமைக்கும் பணியைத் துரிதப்படுத்தியது.

அடுத்து நதிகள் மீட்புப் பேரணியில் பொதுக்கூட்டத்தில், பாடகி சுதா ரகுநாதன் என்பதற்குப் பதிலாக பரதநாட்டிய டான்சர் சுதா ரங்கநாதன் என்று உச்சரித்தது நகைச்சுவையை ஏற்படுத்தியது. அடுத்து பிரதமர் மோடியைக் குறிப்பிடுவதற்கு பதிலாக மன்மோகன்சிங் என்று குறிப்பிட்டு சர்ச்சையை ஏற்படுத்தினார். இவரின் கருத்துகள் தொடர்ந்து சர்ச்சையை ஏற்படுத்திய வண்ணம் இருந்ததால் சமீப காலமாக அரிதாகவே ஊடகங்களில் பேட்டியளித்து வருகிறார் என்பது குறிப்பிடத்தக்கது.

இதுகுறித்து தனது ட்விட்டர் பக்கத்தில் கருத்து தெரிவித்துள்ள பாமக நிறுவனர் ராமதாஸ், “ஜெயலலிதாவை விட சிறப்பான ஆட்சி நடத்தி வருகிறார் எடப்பாடி பழனிசாமி: திண்டுக்கல் சீனிவாசன் - எடப்பாடி பழனிசாமி இன்னும் கொஞ்சம் கொடுத்தால், அந்த விளம்பரத்தில் வரும் ‘எங்க குலசாமி எடப்பாடி பழனிசாமி’ என்று சொல்லும் கதாபாத்திரமாகவே மாறிவிடுவாரோ?" என்று குறிப்பிட்டுள்ளார். மேலும் சமூக வலைதளங்களிலும் பல்வேறு கருத்துக்கள் கூறப்பட்டு வருகின்றன.

இந்தத் தேர்தல் முடிவுகள் பிபிசி தமிழிடம் பேசிய மலேசியாவைச் சேர்ந்த மூத்த ஊடகவியலாளரும் மக்கள் ஓசை இதழின் ஆசிரியருமான மோகனன் பெருமாள், இந்தத் தேர்தலில் இன, மத எல்லைகளைக் கடந்து மலேசிய மக்கள் வாக்களித்துள்ளனர் என்றும் இது ஓர் ஆரோக்கியமான சூழல் என்றும் கூறினார்.

"இதுவரை இந்தியர்களின் பிரச்சனைகளுக்காக இந்தியக் கட்சி, சீனர்களின் பிரச்சனைகளுக்கான சீனக் கட்சி, மலாய்காரர்களின் பிரச்சனைகளுக்காக மலாய் கட்சி எனும் நிலை இருந்தது. இனிமேல் இவர்களில் யாருக்கு பிரச்சனை என்றாலும் அது ஒட்டுமொத்த மலேசிய மக்களின் பிரச்சனையாகப் பார்க்கப்படும்," என்றார்.

"சில தமிழ் வேட்பாளர்கள் 40 ஆயிரம், 50 ஆயிரம் வாக்குகள் வித்தியாசத்தில் வெற்றிபெற்றுள்ளனர். ஆனால், ஒரு தொகுதியில் தமிழர்களின் எண்ணிக்கையே அவ்வளவு இருக்காது. சராசரியாக ஒரு தொகுதியில் 2,000 முதல் 5,000 தமிழர்களே இருப்பார்கள். அதிகபட்சமாக 10,000 பேர் இருப்பார்கள். அனைத்து தரப்பு மக்களின் ஆதரவையும் பெற்றதால்தான் இந்த வெற்றி சாத்தியமானது," என்று மோகனன் பெருமாள்.

வழக்கமாக அரசியலில் அதிக ஆர்வம் இல்லாத மலேசிய-இந்திய இளைஞர்கள் இந்தத் தேர்தலில் வீதிகளில் இறங்கிப் போராடினார்கள் என்று கூறும் அவர் அவர்களுக்கு அடிப்படை வரலாற்றுப் புரிதல் இல்லாமல் இருப்பது குறித்தும் கவலை தெரிவித்தார்.

மலேசிய வரலாற்றிலேயே மிகவும் குறைந்த வயதில் நாடாளுமன்ற உறுப்பினராகத் தேர்வு செய்யப்பட்டுள்ள 22 வயது இளைஞரான பிரபாகரன் ஒரு தமிழர் என்பது குறிப்பிடத்தக்கது.

இந்த தேர்தல் முடிவு குறித்து பிபிசி தமிழிடம் பேசிய, நம்பிக்கை கூட்டணியைச் சேர்ந்த பினாங்கு மாநில துணை முதலமைச்சர் ராமசாமி, "10 ஆண்டுகளுக்கு முன்பு தொடங்கிய இந்த அரசியல் சுனாமி தற்போது வீசியுள்ளது. வழக்கமாக நாடாளுமன்றத்தில் தமிழர்களின் எண்ணிக்கை 6-7 என்ற அளவில்தான் இருக்கும். அந்த எண்ணிக்கை இப்போது இரண்டு மடங்காகியுள்ளது," என்று கூறினார்.

மலேசியாவில் 61 ஆண்டுகளாக இன, மத அடிப்படையில் நடந்த ஆட்சியால் தமிழர்களுக்கு பாதிப்பு உண்டாகியுள்ளதாகக் கூறும் அவர், "புதிய அரசு தமிழர்களுக்கு சமய மற்றும் கலாசார பாதுகாப்பை உண்டாக்கும்," என்று தெரிவித்தார்.

"இதுவரை மலேசியா இனம், சமயம் ஆகியவற்றின் அடிப்படையில்தான் ஆளப்பட்டு வந்தது. அதனால் சிறுபான்மையினருக்கு இயல்பாகவே போதிய முக்கியத்துவம் கொடுக்கப்படவில்லை. வணிக வாய்ப்புகள், உயர்கல்வி ஆகியவற்றில் தமிழர்களுக்கு குறைந்த அளவே முன்னுரிமை கொடுக்கப்பட்டது. இனிமேல் அவற்றில் தமிழர்களுக்கு அதிக இடங்கள் கொடுக்க புதிய அரசு பரிசீலனை செய்யும்," என்று இந்தத் தேர்தலுக்கு பிந்தைய மாற்றங்கள் குறித்து ராமசாமி கூறினார்.

பெரும்பான்மை மக்கள் வாக்குகளுக்காக சிறுபான்மையினர் நலனில் சமரசம் செய்துகொள்ளும் கட்டாயம் புதிய அரசுக்கு உண்டாகுமா என்ற கேள்விக்கு பதிலளித்த அவர், இந்திய மற்றும் சீன வம்சாவளியினர் மலேசியாவின் மக்கள்தொகையில் சுமார் 40% இருப்பதாகவும் அவர்களும் சேர்ந்து வாக்களித்துதான் புதிய அரசு தேர்வு செய்யப்பட்டது என்றும் கூறினார்.

🎯🎯CPS திட்டத்துக்கு எதிராக நாடாளுமன்றத்தில் அதிமுக குரல் எழுப்பும்: தம்பிதுரை*

புதிய பென்ஷன் திட்டத்துக்கு எதிராக நாடாளுமன்றத்தில் அதிமுக சார்பில் குரல் எழுப்புவோம் என்று மக்களவைத் துணைத் தலைவர் மு. தம்பிதுரை தெரிவித்தார்.

🏀கரூர் நகராட்சிக்கு உள்பட்ட 46-வது வார்டில் சனிக்கிழமை நடைபெற்ற பொதுமக்களிடம் இருந்து மனுக்கள் பெறும் நிகழ்ச்சியில் பங்கேற்ற அவர் மேலும் கூறியது:

🏀ஜெயலலிதாவை பொறுத்தவரை மத்தியில் உள்ள ஆட்சியை, கட்சியை என்றும் நம்பவில்லை. நாங்கள் நம்பிக் கொண்டிருப்பது உச்ச நீதிமன்றத் தீர்ப்பை. ஜெயலிலதா உயிரோடு இருக்கும்போது எடுத்த முயற்சியால் காவிரி பிரச்னை விரைவில் தீரும்.

🏀இதற்கான முழுப் பெருமையும் ஜெயலலிதாவையும், அதிமுகவையும் சேரும்.

இப்போது சிலர் தமிழக அரசியலில் வெற்றிடம் ஏற்பட்டுவிட்டதாகக் கூறுகிறார்கள். வெற்றிடம் என்பது கிடையாது.

🏀அரசியலில் தலைவர்கள் மறைவுக்குப் பிறகு அந்தக் கட்சியானது ஆட்சி நடத்திக் கொண்டுதான் இருக்கிறது. தமிழகத்தைப் பொறுத்தவரை காமராஜர் ஆட்சியை தவிர பிறகு தொடர்ந்து திராவிடக் கட்சிகள் தான் ஆளுகின்றன.

 
எந்த ஓர் இயக்கத்திற்கும் அஸ்திவாரம், அடிப்படை வேண்டும்.

🏀தந்தை பெரியார் உருவாக்கிய சமூக நீதியே திராவிட இயக்கத்துக்கு அடித்தளமாக அமைக்கப்பட்டது. அதைத்தான் அண்ணாவும் பின்பற்றினார். எம்ஜிஆர், கருணாநிதி ஆகியோர் தந்தை பெரியார், அண்ணா வழியில் வந்து அரசியல் நடத்திக் காட்டினர்.

🏀புதிய பென்ஷன் திட்டத்தை நாங்கள் எதிர்க்கிறோம். அதற்கு ஆதரவு கொடுக்கவில்லை. ஆனால் திட்டம் வந்துவிட்டது என்றால் அரசு செயல்படுத்த வேண்டிய கட்டாயம் இருக்கிறது.

🏀வரும் நாடாளுமன்ற கூட்டத்தொடரில் அதற்கு எதிராகக் குரல் கொடுப்போம் என்றார்.
பேட்டியின்போது போக்குவரத்துத் துறை அமைச்சர் எம்.ஆர். விஜயபாஸ்கர் உடனிருந்தார்.

சிறப்புக் கட்டுரை: கர்நாடகத் தேர்தலும் காவிரி அரசியலும்! தேவிபாரதி கர்நாடக மாநிலச் சட்டமன்றத் தேர்தல் முடிந்துவிட்டது. கர்நாடக மாநிலத்தை அடுத்த ஐந்து ஆண்டுகளுக்கு ஆளப்போவது யார் என்னும் கேள்விக்கு இன்னும் இரு நாள்களில் விடை கிடைத்துவிடும். அடுத்த ஆண்டு நடக்கவிருக்கும் மக்களவைத் தேர்தலுக்கான முன்னோட்டமாகவும் இந்தத் தேர்தல் அமையலாம். இங்கே பேசவிருப்பது அதைப் பற்றி அல்ல. தேர்தல் பிரச்சாரத்தில் அடித்துக்கொண்டுபோன காவிரிப் பிரச்சினை பற்றி. காவிரி நதிநீர்ப் பங்கீடு தொடர்பான வரைவுச் செயல்திட்டத்தை வரும் 14ஆம் தேதி உச்ச நீதிமன்றத்தில் சமர்ப்பிக்கப் போவதாகவும் மேற்கொ ------.......

தேவிபாரதி

.

காவிரி நதிநீர்ப் பங்கீடு தொடர்பான வரைவுச் செயல்திட்டத்தை வரும் 14ஆம் தேதி உச்ச நீதிமன்றத்தில் சமர்ப்பிக்கப் போவதாகவும் மேற்கொண்டு கால அவகாசம் எதையும் கோரப் போவதில்லை எனவும் கர்நாடக மாநிலச் சட்டப்பேரவைத் தேர்தல் நடப்பதற்கு இரண்டு நாள்கள் முன்னதாக அறிவித்திருக்கிறார் மத்திய நீர்வளத் துறையின் துணைச் செயலாளர். மே 3ஆம் தேதி காவிரி நீர்ப் பங்கீடு தொடர்பான வழக்கு உச்ச நீதிமன்றத்தில் விசாரணைக்கு வந்தபோது கூடுதல் அவகாசம் கேட்ட மத்திய அரசின் கோரிக்கையை நிராகரித்த உச்ச நீதிமன்றம் வழக்கு விசாரணையை மே 8ஆம் தேதிக்குத் தள்ளிவைத்ததோடு அன்றைய தினம் மத்திய அரசு கட்டாயமாக வரைவுச் செயல்திட்டத்தைச் சமர்ப்பிக்க வேண்டுமெனவும் அப்படிச் சமர்ப்பிக்கத் தவறினால் கடும் விளைவுகளைச் சந்திக்க வேண்டுமெனவும் எச்சரித்திருந்தது.

நீதிமன்ற உத்தரவும் தேர்தல் களமும்

பலரும் எதிர்பார்த்ததைப் போலவே அன்று மத்திய அரசு வரைவுச் செயல்திட்டத்தைச் சமர்ப்பிக்கவில்லை. மே மாதத்துக்குள் தமிழகத்துக்கு நான்கு டிஎம்சி தண்ணீரைத் திறந்துவிட வேண்டுமெனக் கர்நாடக அரசுக்கு உத்தரவிட்டிருந்த உச்ச நீதிமன்றம் அவ்வாறு திறந்துவிடத் தவறினால் கர்நாடக மாநில அரசு கடும் விளைவுகளைச் சந்திக்க நேரிடும் என எச்சரித்திருந்தது. மத்திய அரசைப் போலவே கர்நாடக மாநில காங்கிரஸ் அரசும் உச்ச நீதிமன்றத்தின் எச்சரிக்கையைப் பொருட்படுத்தவில்லை. தமிழகத்துக்குத் தண்ணீர் திறந்துவிடுவதற்கு எங்கே தண்ணீர் இருக்கிறது எனக் கேட்ட கர்நாடக முதல்வர் சித்தராமையா, உச்ச நீதிமன்றம் குறிப்பிட்ட அந்தக் கடும் விளைவுகள் என்ன என்பதைப் பற்றி அதிகம் யோசிக்காமல் தேர்தல் பிரச்சாரக் கூட்டங்களில் தீவிரமாகப் பங்கெடுத்துக்கொண்டிருந்தார்.

கர்நாடகச் சட்டப்பேரவைத் தேர்தல் பிரச்சாரக் கூட்டங்களில் காங்கிரஸுக்குச் சவால்விட்டுக் கொண்டிருக்கும் பிரதமருக்கும் அவரது அமைச்சரவை சகாக்களுக்கும் உச்ச நீதிமன்றத்தின் உத்தரவைப் பொருட்படுத்துவது முக்கியமானதாகப் படவில்லை. பாஜக, காங்கிரஸ் ஆகிய இரண்டு தேசியக் கட்சிகளுக்குமே அரசியல் சாசன ரீதியில் உச்ச அதிகாரம் பெற்ற உச்ச நீதிமன்றத்தின் உத்தரவைப் பொருட்படுத்துவதைவிட ஒரு மாநிலத்தின் சட்டமன்றத் தேர்தலை எதிர்கொள்வது, அதில் வெற்றி பெறுவது முக்கியமானதாக இருக்கிறது.

வரைவுச் செயல்திட்டம் தயாராகிவிட்டதாகவும் பிரதமரும் அவரது அமைச்சரவை சகாக்கள் பலரும் கர்நாடக மாநிலச் சட்டப்பேரவைத் தேர்தல் பிரச்சாரக் கூட்டங்களில் பிசியாக இருப்பதால் மத்திய அமைச்சரவையின் ஒப்புதலைப் பெற முடியவில்லை எனவும் மத்திய அரசின் வழக்கறிஞர் சொன்னதைக் கேட்டு உச்ச நீதிமன்ற நீதிபதிகள் திகைத்துப் போயிருக்க வேண்டும். நாட்டின் ஒற்றுமையையும் இறையாண்மையையும் காப்பாற்றுவதைவிட ஒரு தேர்தலை எதிர்கொள்வதை முக்கியமானதாகக் கருதும் மத்திய அரசை எப்படிக் கையாள்வது என்னும் குழப்பம் உச்ச நீதிமன்ற நீதிபதிகளுக்கு ஏற்பட்டிருக்க வேண்டும். தங்களது உத்தரவைப் பொருட்படுத்தாத கர்நாடக மாநில அரசை என்ன செய்வதென்றே தெரியாமல் உச்ச நீதிமன்றம் திகைத்துப் போய்விட்டது போல் தோன்றியது. விசாரணையை மே 14ஆம் தேதிக்குத் தள்ளிவைப்பதைத் தவிர வேறு எதுவும் செய்வதிற்கில்லை என்பது போல்தான் இருக்கிறது உச்ச நீதிமன்றத்தின் நிலை.

இனியாவது முடிவு எட்டப்படுமா?

அடுத்த கட்ட விசாரணையின்போது கர்நாடகச் சட்டமன்றத் தேர்தல் முற்றுப் பெற்றிருக்கும் என்பதால் காவிரி நதி நீர்ப் பங்கீட்டுப் பிரச்சினையில் மத்திய அரசு உறுதியான முடிவொன்றை எடுப்பதற்கான வாய்ப்பு உள்ளதாகக் கற்பனை செய்துகொள்ள முடியுமா? கடந்த விசாரணைகளின்போது வரைவுச் செயல்திட்டத்தை அமைப்பதற்குத் தடையாக இருப்பது கர்நாடகச் சட்டமன்றத் தேர்தல்தான் என்னும் ஒரு வாதத்தை முன்வைத்தது மத்திய அரசு. அதன் அர்த்தம், வரைவுச் செயல்திட்டம் கர்நாடகத்தின் எதிர்பார்ப்புகளுக்கு மாறாக இருந்தால் அது தேர்தலில் பாஜகவின் வெற்றியை நேரடியாகப் பாதிக்கும் என்பதுதான். தென்மாநிலங்களில் பாஜவுக்கு அரசியல் ரீதியில் நம்பிக்கை தரும் மாநிலம் கர்நாடகம் மட்டுமே. கர்நாடக வாக்காளர்களின் நம்பிக்கையைப் பெறுவது நாட்டின் ஒற்றுமையையும் இறையாண்மையையும் பாதுகாப்பதையும்விட முக்கியமானதாக ஆளும் பாஜக முடிவு செய்துவிட்டது போல் தெரிகிறது.

தமிழகத்துக்குத் திறந்துவிடத் தண்ணீர் எங்கே இருக்கிறது எனக் கேட்கும் சித்தராமையாவின் பதற்றமற்ற முகம் உச்ச நீதிமன்றத்தின் அரசியல் சாசன ரீதியான அதிகாரத்தைக் கேலி செய்வது போல் தோன்றுவதை ஒரு கற்பனையாகக் கருதிக்கொள்ள வாய்ப்பிருக்கிறது. ஆனால், உச்ச நீதிமன்றத்தின் உத்தரவைப் பற்றிய தகவல்கள் வெளிவந்த மறுகணமே மைசூர், மாண்டியா மாவட்ட விவசாயிகள் தங்கள் எதிர்ப்பைத் தெரிவித்திருக்கிறார்கள். உச்ச நீதிமன்றத்தின் உத்தரவை ஏற்றுக் கர்நாடக அரசு நான்கு டிஎம்சி தண்ணீரைத் திறந்துவிட முடிவெடுத்தால் அதன் விளைவுகள் கடுமையாக இருக்கும் என எச்சரித்திருந்திருந்தது உச்ச நீதிமன்றம்.

மே 8ஆம் தேதி வழக்கு விசாரணைக்கு வரவிருந்த நிலையில் தங்களால் தமிழகத்துக்குத் தண்ணீர் தர இயலாது என அஃபிடவிட் ஒன்றைத் தாக்கல் செய்திருக்கிறது கர்நாடக அரசு. வரைவுத் திட்டம் தயாராகிவிட்டதாகவும் மத்திய அமைச்சரவையின் ஒப்புதலைப் பெறுவதற்காகக் காத்திருப்பதாகவும் பத்து நாள்கள் அவகாசம் அளித்தால் வரைவுத் திட்டத்தைத் தாக்கல் செய்வதாகவும் மத்திய நீர்வளத் துறைத் துணைச் செயலாளர் உச்ச நீதிமன்றத்தில் மனு அளித்திருக்கிறார். கர்நாடக அரசின் விளக்கத்தை ஏற்றுக்கொள்ள முடியாது எனத் தனது மனுவில் கூறியுள்ள தமிழக அரசு, கர்நாடகம் உடனடியாக நான்கு டிஎம்சி தண்ணீரை விடுவிக்க ஆணையிட வேண்டும் என உச்ச நீதிமன்றத்தைக் கேட்டுக்கொண்டுள்ளது.

தேர்தல் பிரச்சாரத்தில் ஈடுபட்டிருக்கும் பிரதமர் மோடி இதை நாட்டின் இறையாண்மைக்கும் அரசியல் சாசனத்துக்கும் விடப்பட்டுள்ள சவாலாக நினைக்கவில்லை. இரு மாதங்களுக்கு முன்னால் புதுச்சேரியில் நடைபெற்ற கூட்டமொன்றில் தான் பேசியது போல் நாராயணசாமியைத் தவிர மற்ற எல்லா காங்கிரஸ் முதலமைச்சர்களையும் அதிகாரத்திலிருந்து விரட்டுவதற்கான திட்டத்தின் ஒரு பகுதியாக வரவிருக்கும் சட்டமன்றத் தேர்தலில் காங்கிரஸைத் தோற்கடிப்பதற்கான வியூகங்களைப் பற்றி யோசிப்பதில் மனதைப் பறிகொடுத்திருப்பவரைப் போல் தென்படுகிறார். அதற்கான வாய்ப்புகள் நெருங்கி வந்துகொண்டிருப்பது போல் அவர் கற்பனை செய்ய விரும்புகிறார். சமீபத்திய கருத்துக்கணிப்புக்களில் சில மோடிக்கும் பாஜகவுக்கும் அது போன்ற கற்பனையைத் தோற்றுவித்திருக்கக்கூடும். அறுதிப் பெரும்பான்மைக்குத் தேவையான இடங்களில் ஆறேழு குறைந்தால்கூடச் சமாளித்துவிட முடியும்.

காவிரி நடுவர் மன்றத்தின் இறுதித் தீர்ப்பு வந்தபோதே அதை நடைமுறைப்படுத்துவதற்கான முயற்சிகளை மேற்கொண்டு நிறைவேற்றியிருக்க வேண்டிய மத்திய அரசு தொடர்ந்து தனது பொறுப்பைத் தட்டிக்கழித்து வந்ததன் விளைவே பிரச்சினை உச்ச நீதிமன்றத்தின் கைகளுக்குப் போக வேண்டியிருந்தது. காவிரி மேலாண்மை வாரியம் அமைக்கக் கோரித் தமிழகத்தின் பல்வேறு அரசியல் கட்சிகளும் நடத்திய போராட்டங்களின்போது மத்திய அரசும் உச்ச நீதிமன்றமும் தமிழகத்தை வஞ்சிப்பதாக எழுந்த குற்றச்சாட்டுக்கள் இப்போது வலுப்பெற்றிருக்கின்றன.

மேலாண்மை வாரியம் அமைப்பதற்கான கெடு தேதி முடியும்வரை வாய் திறக்காத மத்திய அரசு கடைசி நேரத்தில் ஸ்கீம் என்றால் என்ன என விளக்கம் கோரியபோதே மத்திய அரசின் மீது கடுமையான விமர்சனங்கள் எழுந்தன. தொடர்ந்த விசாரணைகளின்போது உச்ச நீதிமன்றம் பிறப்பித்த உத்தரவுகள் எவற்றையும் கண்டுகொள்ளாத மத்திய அரசு இப்போது வரைவுத் திட்டம் தயாராகிவிட்டதாகவும் மேற்கொண்டு கால அவகாசம் கோரப் போவதில்லை எனவும் அறிவித்திருப்பது இழந்த நம்பிக்கையை மீட்டெடுத்துக்கொள்வதற்கு உதவும் எனத் தோன்றவில்லை.

கர்நாடகச் சட்டப்பேரவைத் தேர்தல் முடிவுகள் நிச்சயமாகக் காவிரி நதி நீர்ப் பங்கீடு தொடர்பான மத்திய, மாநில அரசுகளின் முடிவுகளில் தாக்கத்தை ஏற்படுத்தும் என்பதில் சந்தேகமில்லை. தமிழகத்துக்கு ஒரு சொட்டு தண்ணீர்கூடத் தர முடியாது எனச் சபதமிட்டுள்ள சித்தராமையா தலைமையிலான காங்கிரஸுக்குச் சாதகமாக தேர்தல் முடிவுகள் இருக்குமானால் காவிரி நதிநீர்ப் பங்கீட்டு விவகாரங்களில் மூர்க்கமான முடிவுகளை அது எடுப்பதற்கே அதிக வாய்ப்புகள் இருக்கின்றன.

காவிரி நதிநீரைப் பங்கிட்டுக்கொள்வதில் இரு மாநில அரசுகளுக்கும் மக்களுக்குமிடையே புரிந்துணர்வு ஏற்படுத்தப்படாதவரை அது அரசியல் சூதாட்டத்தின் பகடைக்காயாகவே நீடித்திருக்க முடியும்.

தமிழகம், கர்நாடகம் ஆகிய இரு தென்னிந்திய மாநில மக்களின் வாழ்வாதாரத்தைப் பணயமாக வைத்து நடக்கும் இந்தச் சூதாட்டம் தமிழகத்தில் உருவாக்கியுள்ள பதற்றம் தீவிரமானது. தமிழகம் வஞ்சிக்கப்படுவதாக எழுந்த குரல்கள், தனித் தமிழகம் பற்றிய உரையாடல்களை நோக்கி நகரத் தொடங்கியுள்ளன. அந்தக் குரல்கள் வலுப்பெறும்போது இந்தியாவின் இறையாண்மைக்கும் ஒற்றுமைக்கும் பெரும் அச்சுறுத்தல்கள் உருவாகும் என்பதில் சந்தேகமில்லை.

இரு தேசியக் கட்சிகளும் அரசியல் சாசனப்படி உச்ச அதிகாரம் பெற்ற உச்ச நீதிமன்றத்தின் உத்தரவுகளை மதித்தால்தான் இந்த அச்சுறுத்தல்கள் உருவாகாமல் தவிர்க்க முடியும்.

(கட்டுரையாளர் பற்றிய குறிப்பு: சிறுகதைகள், கவிதைகள், நாடகங்கள், கட்டுரைகள் எழுதிவரும் தேவிபாரதி, மார்க்சிய, மார்க்சிய லெனினிய இயக்கங்களில் சிறிது காலம் செயல்பட்டவர். 1994இல் இளம் நாடக ஆசிரியருக்கான மத்திய சங்கீத நாடக அகாடமியின் பரிசு பெற்றார். இவரது சிறுகதைகளில் சில ஆங்கிலத்திலும் இந்தி, மலையாளம் உள்ளிட்ட சில இந்திய மொழிகளிலும் மொழிபெயர்க்கப்பட்டுள்ளன. ‘வீடென்ப’ என்னும் தலைப்பிலான இவரது தேர்ந்தெடுக்கப்பட்ட பத்துச் சிறுகதைகள் என்.கல்யாணராமன் மொழிபெயர்ப்பில் Horper Perinial வெளியீடாக Farewell Mahatma என்னும் தலைப்பில் வெளிவந்தது. காலச்சுவடின் பொறுப்பாசிரியராக ஆறு ஆண்டுகள் பணியாற்றினார். மின்னஞ்சல் முகவரி: devibharathi.n@gmail.com)